吉野家 (鴻都大廈)

Open Now

Now Closed

傾完project，同朋友不約而同諗起打邊爐作犒賞，因為唔太肚餓，最後決定食吉野家既毒L火鍋餐。顧名思義，一人一爐，河水不犯井水。因為我乜都無加，所以套餐只係標配，只有一盒牛肉、鳥冬，再加一個煲。望落同人生差無幾，一樣咁唏噓。湯底係咖哩湯，不過我食到底先發覺自己係食緊咖哩湯，味道有d淡。配料有大大隻冬菇、蟹柳、生菜、雞肉，我覺得生菜係最入味，雞肉口感有d差，冬菇係幾大隻但無菇味，感覺食緊香口膠咁。擺埋鳥冬、牛肉一齊煲，份量都幾飽，牛肉都正常（打邊爐既牛肉一係擺到入口，一係擺唔到，咁吉野家係擺到既）。