倫敦大酒樓

Open Now

Now Closed

星期六同阿婆飲茶，佢話想來哩間，平時同老友記來開。哩間係老牌酒樓來，只係翻新左，舊酒新瓶。鳳爪無得輸蝦餃同魚翅餃佢D點心都好唔錯，皮薄餡好味。舊式茶樓既特色，就係有推住行既點心車。但D阿姐既服務態度真係，有D幾好，有D真係 激死人。好似哩個煎野既車仔，好聲好氣同個姐講左要咩，然後佢又無應人。我見佢都無應其他人，照樣俾野佢地，咁我講完就等啦（我都唔係細聲講既）企住等左佢一陣，都無整緊我叫既野，就覺得應該無整緊。後尾再叫佢俾3件茄子，叫左3次先俾我，全程亦都無望過我同回應過我，而我唔知有咩得罪佢，亦都唔知佢究竟係咪翻緊工。就係哩3件茄子蜂巢芋角椰奶燉蛋，好多人點，阿婆好鐘意整體來講，哩間野D食物係幾唔錯，味道都好，但D服務就真係莫名其妙。同埋佢係有兩層，下面果層係自己去拎位既，企係人地隔離等好老尷咁。上面果層就好D，可以拎飛等位。我覺得可以體驗下既，試下傳統既味道，同埋過時既服務態度。