Chroma Cafe + Kitchen (Closed)

觀塘搵食記，知道觀塘好多上樓嘅唔同餐廳，而且亦都開咗好多文青嘅cafe，呢間cafe好得意後面係好多賣唔同嘅顏料，而且顏料都有好多唔同選擇，鍾意畫畫嘅人真係好適合喺度買材料。另外，餐廳嘅前面就係好多唔同嘅座位，你可以當cafe咁坐，可以享受午餐。午餐非常之抵，大概七八十蚊左右。叫咗個帶子意粉，帶子都幾大粒，而且幾好食。意粉調味非常好，個醬汁好creamy，仲有啲菇做配菜。午餐仲包沙律，沙律菜新鮮，而且份量都唔少，另外仲有湯，湯都幾好飲。估唔到仲有飲品及甜品，甜品雖然細細件，但係過下口癮都不錯。