正宗山西刀削麵皇

Open Now

Now Closed

新開張！成日聽朋友介紹呢間野，不過荃灣實在太遠，最近發現觀塘開左分店，勁近屋企，一於過黎試下！我地叫左兩碗麵同兩份小食。先講下碗麻醬手撕雞冷撈刀削面，聽聞係招牌菜，人氣極高。個醬好特別，中間好似加左少少菜甫，鹹鹹地，同個雞勁夾。個面好有口感，好彈牙。然後叫左碗麻辣薰蹄刀削湯面，雖然只係叫左小辣，但十分刺激味蕾，所以食唔到辣既人要小心。薰蹄切到薄薄地，肥瘦均稱，醃得好入味。湯面質感比較淋，吸哂碗湯既精華。小食叫左酸椒黑木耳，涼拌萵荀，兩樣野都好爽口，脆卜卜，而且好夠味，個汁都幾特別，酸酸甜甜，好開胃。鋪面企理乾淨，令人坐得好舒服。下次會再黎試下其他野！