鳳雛燉雞

Open Now

Now Closed

好似置身韓國！sky726呢棟野出名多野食，今日黎到10樓呢間韓國餐廳，夜晚人不多，六點半左右到，唔洗等位就入得。三個人叫左三樣野，包括招牌芝士燉雞，芝士雞蛋卷，牛肉紫菜包飯。燉雞真係無得輸，勁足料，有雞，冬粉，大量雜菜，例如紅蘿蔔，薯仔，青瓜等等。個人比較中意個冬粉，吸哂D汁超好味，面頭又有好多芝士，可以拉絲，淨係食呢碟已經飽到嘔。芝士雞蛋卷都好出色，賣相一百分，蛋卷同D醬好夾，不過稍嫌頭尾個兩舊有D鞋，中間個幾舊就比較滑。最後紫菜包飯都無令我失望，飯煲得岩岩好，唔會太淋或者太硬。個個都飽到郁唔到，食極仲有，所以性價比極高，食物相當有水準，老闆或者店員都係韓國人。如果大家想食韓國菜，唔洗去韓國了，黎呢到拉！