Layback Cafe & Bar (Closed)

星期日同朋友去尖沙咀行街，街上人流唔係好多，但吉鋪就好多，所以行左一粒鐘便搵地方食嘢。加連威老道嘉威大廈4樓有間Layback Cafe & Bar,朋友説之前吃過好食，便跟佢上去吃好西。上面已坐左好多人，好在已經2點幾，室內已冇位，便安排我哋坐室外。由於已經秋天，室外並不不熱，所以坐室外反而重享受。我哋叫咗2個主菜，飲品跟餐就減10元，重叫左一份小食。主菜我叫左明太子炸軟殼蟹忌廉扁意粉🍝，扁意粉加埋明太子同忌廉，味道濃郁，非常creamy，軟殼蟹粉多左但肉質都夠好味，全部配埋一齊味道都好好。朋友叫左香蒜白酒露荀日本和牛粒燴扁意粉。朋友一向是無牛不歡，對牛要求好高，佢食完高舉拇指，説和牛味道好好，肉汁很多，整體配搭一流。小食拼盤有紫薯餅，天婦羅蝦，2串菠蘿釀雞翼，一口芝士同吉列生蠔。除左生蠔比夠腥d之外，其他炸物都好好味。本人特別推介菠籮釀雞翼同炸紫薯餅，大家不妨試吓。飲品我哋叫叫左蜜桃沙冰同凍咸檸檬蜂蜜，味道不錯。喺度同朋友消磨一個下午，又有美食，真係正正正。