串Grill 自助燒烤專門店 (譽發廣場) (Closed)

今日跟朋友買完嘢就去咗近油麻地地鐵站附近既樓上店搵串燒任飲任食放題。平時入居酒屋，叫一串都成$60燒，放題都只係$245，抵到爛。去到餐廳地方非常整潔, 有卡位坐又將後景望。一坐底，店員就即刻放上一盤有肉有菜嘅串燒俾我哋開爐用。每一串都用鐵針穿住，再放上去一個自動會轉嘅爐上面。 串燒就會自動旋轉，不用人手轉來轉去，減少燒過頭得情況發生。啱晒我呢d唔想吉野食落燒烤叉，但又想食BBQ嘅懶人。自助飲品非常多選擇，有烏麗龍茶、鴻福湯健康飲品系列及汽水等。 而串燒則用QR code 來落單，非常衛生方便。雞肉串，雞肉非常彈滑，好嫩口。雞腎串燒烤完後非常爽脆，必點！多春魚非常新鮮，燒烤完出來外皮脆內軟。仲有多款不同部位選擇既牛串燒選擇，燒完後好香牛味。咁多款我最愛牛舌，燒烤完肉質好爽口。 最驚喜有蜆肉串叫，燒完可以多到勁多蜆肉，超適合我呢款懶人。 還有好少見有得叫既雞皮串。腸都有芝士腸同香腸選擇。蔬菜類就有翠玉瓜、花菇及秋葵選擇。最後該店仲有提供每人一杯Haagen-Dazs雪糕。我哋選了士多啤利同朱古力味食。