元朗新記 (鴻運樓)

Open Now

Now Closed

鴻運樓呢度附近有成條食街都好食士多有唔少嘅選擇，不過清清地想食下粥，就試吓元朗新記😎意外發現呢度選擇都唔少，又有下午茶餐，又有唔同嘅招牌菜😍🥢貴妃雞豬潤粥黎呢到必試其中一款粥，甘緊係試下招牌貴妃雞粥，粥身綿滑，唔係生滾個種質感，味道鮮濃，雞既肉質鮮美，帶有少少咸香，好開胃🤪🥰🥢XO醬炒蘿蔔糕蘿蔔糕炒到金黃香脆，配上XO醬既微辣味道，口感豐富😙🥢紅燒脆皮乳鴿必試第二款，烤得酥脆，肉質嫩滑，本身已經好夠味，想味道濃郁啲就可以點少少淮鹽食，味道更有層次感🤪🥢鮮蝦腸粉腸粉軟滑可口，本身醬油味道偏淡少少，唔會太咸，可以點多啲黎提鮮😎🥢豬膶牛肉炒麵麵底爽口有嚼勁，炒得好乾身，豬膶同牛肉肉質鮮嫩，炒得好入味! 😋🍹凍菊花蜜甜度適中，菊花清香四溢，口感清涼，係夏日消暑之選👍🏻不斷見到隔籬枱食西多士超厚身，但係今次太飽食唔到，下次一定要試吓！