Video
Read full review
2013-04-21
535 views
12月25日, 聖誕日正日夜晚有party, 喺未去個party之前就去醫一醫個肚先, 免得個party太夜開始先有野食~ 想試呢度嘅burger好耐, 感覺佢d burger有幾多選擇, 但係就因為冇睇價錢而中招…::: Kick Ass Burger ::: $58叫咗個佢地嘅signature burger, 其實即係一個好classic好正常嘅漢堡, 有安格斯漢堡扒、芝士、蕃茄、生菜咁, 仲有佢地嘅signature GBU sauce~ 漢堡扒係即叫即煎嘅, 所以都要等一陣先上枱, 切開個漢堡包, 料唔算好豐富, 主菜嘅漢堡扒唔係好厚, 雖然望落幾粉紅唔係全熟, 但係肉汁亦唔太見到… 其他材料好似生菜蕃茄都擠到好扁, 所謂嘅GBU sauce都同沙律醬差唔多咁… 麵包都係鬆脆嘅, 可惜已經係成個漢堡唯一可取之處, 材料唔足夠, 加上漢堡扒太乾唔juicy, 只屬於M記足三兩嘅質素…::: French Fries With Cheddar ::: $30呢個薯條份量都多, 有成兜嘅薯條, 只不過芝士唔太夠, 食到底會冇晒芝士, 份量真係要再儉討下. 粗薯條本身有肉, 炸得都
::: Kick Ass Burger ::: $58
叫咗個佢地嘅signature burger, 其實即係一個好classic好正常嘅漢堡, 有安格斯漢堡扒、芝士、蕃茄、生菜咁, 仲有佢地嘅signature GBU sauce~ 漢堡扒係即叫即煎嘅, 所以都要等一陣先上枱, 切開個漢堡包, 料唔算好豐富, 主菜嘅漢堡扒唔係好厚, 雖然望落幾粉紅唔係全熟, 但係肉汁亦唔太見到… 其他材料好似生菜蕃茄都擠到好扁, 所謂嘅GBU sauce都同沙律醬差唔多咁… 麵包都係鬆脆嘅, 可惜已經係成個漢堡唯一可取之處, 材料唔足夠, 加上漢堡扒太乾唔juicy, 只屬於M記足三兩嘅質素…
::: French Fries With Cheddar ::: $30
呢個薯條份量都多, 有成兜嘅薯條, 只不過芝士唔太夠, 食到底會冇晒芝士, 份量真係要再儉討下. 粗薯條本身有肉, 炸得都唔會好燶, 配上濃郁嘅芝士食味道好豐富, 仲可以任落茄汁同芥末, 更加添薯條嘅美味~
::: Sprite ::: $30
真係離晒大譜!!! 竟然一罐汽水要成$30! 仲狼過搶喎, 係咪飲咗會識飛?! 雖然我自己冇睇清楚都有d唔啱, 但係都唔駛咁樣掛! 如果你話幫你倒埋, 送杯冰, 整少少色水野都話順d, 而家係自己攞, 杯都冇隻, 仲要唔夠凍! 如果知道咁貴寧願飲smoothies好過啦! 離譜!
本身漢堡同薯條都唔係話咁差, 只係俾個汽水搞到一肚氣, 散叫預咗貴, 但都唔需要咁盡丫… 唔怪之得睇勻咁多張枱都冇人飲野, 店方係咪可以咁忍心睇住食客乾啃漢堡包, 如果係咁不如唔好賣汽水啦.
Post
