一盅點心

Open Now

Now Closed

終於去挑戰世一燒賣！呢間點心專門店有全港最多燒賣種類，每一粒係精緻大粒靚仔嘅手工燒賣。傳統同創新口味都有。為咗保持神秘感，我哋淨係分享下最爆個幾款：🌶 麻辣牛肉燒賣、泡椒燒賣，超有驚喜，超辣！個肉餡充滿剁椒碎同辣椒籽，好食但真係要小心！🦑 爆汁墨魚燒賣、墨椒墨魚燒賣，彈牙厚肉，重點多汁，成粒燒賣版墨丸咁。🌱 芫茜馬蹄豬肉燒賣、梅菜扣肉燒賣，保留到燒賣應該有嘅味道，特色口味到位，又唔會喧賓奪主，很好。懷舊燒賣皇同鮑魚燒賣呢啲傳統口味都好正，飽滿，好多肉汁。⭐️強力推薦點心、大砵仔蒸飯、燉湯：春風得意腸，好脆爆餡有蝦有蟹籽，我好鐘意，腸粉又夠薄，豪華版炸両腸。千島醬脆炸蘿蔔糕，用咗炸鮮奶個隻炸皮，蘿蔔糕香甜滑口有臘味粒，面頭多醬有木魚碎。🍚 金針雲耳滑雞蒸飯，大砵仔上，淋啲甜豉油，雞件無骨又大件，飯量多，好滿足。南北杏菜膽燉豬肺湯，清甜，菜膽入味，豬肺煲到軟綿綿，秋天要潤下。甜品：拔絲蛋散皇、椰香黃金糕，一碟鬆脆，一碟煙韌，正噢飽飽。餐廳最近有套餐同時段優惠活動 ，五、六十蚊就有燒賣/ 燉湯配蒸飯套餐。差唔多枱枱都叫，真係抵食。如果夠叻，仲可以玩世一燒賣挑戰賽遊戲，成功就可以半價/ 免費食世