Video
Read full review
2022-07-31
453 views
搭天星小輪過海出尖沙咀係日常，維港兩岸風景睇慣睇熟，無咩動機拎手機出黎影相，唯獨係兩個情況例外：有漂亮日落﹑有張保仔號出巡。紅色帆船搶眼得黎感覺有如時光倒流，但天星小輪靠岸時張保仔號總係而且越駛越遠⋯今次一於登上張保仔號high tea～꒰( ˙ᵕ˙ )꒱❝海上下午茶之旅❞ ($399/位)鹹點由Dim Sum Library提供，當中包括個人認為係全set最高質素嘅黑松露蝦餃！黑松露香氣撲鼻，粉皮晶瑩帶嚼勁。另外亦有黑蒜燒賣、黑椒和牛酥，其中和牛酥有點被黑椒搶風頭，入口偏嚡。甜品方面，意大利布袋芝士蛋糕、歌劇蛋糕等入口都唔太食得出食材原味，而且所有有撻皮嘅甜點（包括蛋撻）撻皮都係軟淋嘅，英式鬆餅入口偏粉而欠缺牛油香。要數最好食應該係tiramisu～不過，好明顯揀得黎張保仔號high tea嘅都係食客之意不在食物。係古色古香嘅張保仔號上面影下相﹑欣賞維港兩岸景色，有野落肚又唔算難食，用翻一把合適嘅尺去量度，係我心目中依個體驗已經合格有餘。𓏗𓏗´-𓂃𓈒 𓂂𓏸 Aqua Luna 𓏸𓂂 𓈒𓂃 @aqualunahk 上船地點：中環九號公眾碼頭／尖沙咀一號公眾碼頭（文化中心旁）下午茶時段
❝海上下午茶之旅❞ ($399/位)
鹹點由Dim Sum Library提供，當中包括個人認為係全set最高質素嘅黑松露蝦餃！黑松露香氣撲鼻，粉皮晶瑩帶嚼勁。另外亦有黑蒜燒賣、黑椒和牛酥，其中和牛酥有點被黑椒搶風頭，入口偏嚡。
甜品方面，意大利布袋芝士蛋糕、歌劇蛋糕等入口都唔太食得出食材原味，而且所有有撻皮嘅甜點（包括蛋撻）撻皮都係軟淋嘅，英式鬆餅入口偏粉而欠缺牛油香。要數最好食應該係tiramisu～
不過，好明顯揀得黎張保仔號high tea嘅都係食客之意不在食物。係古色古香嘅張保仔號上面影下相﹑欣賞維港兩岸景色，有野落肚又唔算難食，用翻一把合適嘅尺去量度，係我心目中依個體驗已經合格有餘。𓏗𓏗´-
𓂃𓈒 𓂂𓏸 Aqua Luna 𓏸𓂂 𓈒𓂃 @aqualunahk
上船地點：中環九號公眾碼頭／尖沙咀一號公眾碼頭（文化中心旁）
下午茶時段：每日3pm
𓂃𓈒 𓂂𓏸 用餐／打卡提示 𓏸𓂂 𓈒𓂃
① 預約時要先付全費，以及選定要唔要加香檳。如果唔飲香檳，船上有橙汁同蘋果汁提供。
② 如果係為打卡，盡可能揀平日，而且建議係開船前15分鐘到埗。座位係先到先得嘅。船上有分上層下層，下層甲版位置最為搶手。
③ 最佳打卡位置係面向中環而又最近紅帆個個位。因為開船無耐就會上tea set架，望九龍個邊無乜signature建築做背景（之後會調頭，但到時都應該食得七七八八）。近紅帆較好係因為係遠離紅帆嘅位置影相，背景都會十分多人離亂。
④ 航程為90分鐘（由出發到靠岸），影相要留意時間。
⑤ 部份日子海風極大，直達暴風級數，女仔最好帶備外套以及hairband，如果唔係個頭好易亂到七彩～
𓂃𓈒 𓂂𓏸 𝐫𝐚𝐭𝐢𝐧𝐠 𓏸𓂂 𓈒𓂃
餐點味道 | ♥︎♥︎♥︎♥︎♥︎♥︎♡♡♡♡
抵食指數 | ♥︎♥︎♥︎♥︎♥︎♥︎♥︎♡♡♡
店舖環境 | ♥︎♥︎♥︎♥︎♥︎♥︎♥︎♥︎♥︎♡
用餐體驗 | ♥︎♥︎♥︎♥︎♥︎♥︎♥︎♡♡♡
推薦程度 | ♥︎♥︎♥︎♥︎♥︎♥︎♥︎♡♡♡
適合場景 | 打卡
更多同區美食 ☞ #17尖沙咀
更多同類美食 ☞ #17下午茶
♥️ 追 蹤 @17feelgood 發 掘 更 多 高 質 感 食 事 / 日 常 / 旅 遊 提 案 ♥️
Post
