Video
Read full review
2021-10-13
1188 views
Alva House一向出名難book位要食佢嘅話就要早一個月訂位今次剛巧碰着啱啱 book正打8號風嘅日子我哋揀咗第2段自助午餐buffet嘅時間當日都好擔心係咪冇得食 好彩餐廳仍然如常營業店員亦表示可以優先俾我哋delay booking至三個月內不過難得我哋一家人興起想食 最後都決定去！酒店亦都有泊車優惠 食滿$2000或以上可以免費泊三個鐘泊車優惠完全係cover到2小時45分鐘用餐時間 好方便各位揸車過嚟自助餐嘅食物選擇非常之多有甜品、沙律、麵包、海鮮、生蠔壽司、即燒串燒、熱食同飲品重點推介💡海鮮有青口、蜆肉、凍蝦、長腳蟹、龍蝦咁多樣海鮮，蜆肉比較有驚喜，因為估唔到佢醃咗味而龍蝦鉗就非常之厚肉不過就同長腳蟹一樣略嫌浸鹽水浸到偏鹹同埋殼比較完整 可能要自己再花多啲功夫拆殼💡刺身壽司呢度竟然提供一般少有嘅吞拿魚刺身食落肉質唔會好鬆散 質素唔錯💡法國生蠔雖然唔係肉質飽滿但係有蠔味每人每次可以拎兩隻 師傅密密拆好快手就算驚見人龍 等兩三分鐘就有得食啦酒店亦會每人送一杯香檳或者汽水拎返杯香檳嚟打卡就唔錯不過入口呢…比較似有汽白酒…味道偏苦澀唔係太易入口…如果揀汽水 我當日就指定只可以飲
要食佢嘅話就要早一個月訂位
今次剛巧碰着啱啱 book正打8號風嘅日子
我哋揀咗第2段自助午餐buffet嘅時間
當日都好擔心係咪冇得食 好彩餐廳仍然如常營業
店員亦表示可以優先俾我哋delay booking至三個月內
不過難得我哋一家人興起想食 最後都決定去！
酒店亦都有泊車優惠 食滿$2000或以上可以免費泊三個鐘
泊車優惠完全係cover到2小時45分鐘用餐時間 好方便各位揸車過嚟
自助餐嘅食物選擇非常之多
有甜品、沙律、麵包、海鮮、生蠔壽司、即燒串燒、熱食同飲品
重點推介
💡海鮮有青口、蜆肉、凍蝦、長腳蟹、龍蝦
咁多樣海鮮，蜆肉比較有驚喜，因為估唔到佢醃咗味
而龍蝦鉗就非常之厚肉
不過就同長腳蟹一樣略嫌浸鹽水浸到偏鹹
同埋殼比較完整 可能要自己再花多啲功夫拆殼
💡刺身壽司
呢度竟然提供一般少有嘅吞拿魚刺身
食落肉質唔會好鬆散 質素唔錯
💡法國生蠔
雖然唔係肉質飽滿但係有蠔味
每人每次可以拎兩隻 師傅密密拆好快手
就算驚見人龍 等兩三分鐘就有得食啦
酒店亦會每人送一杯香檳或者汽水
拎返杯香檳嚟打卡就唔錯
不過入口呢…比較似有汽白酒…味道偏苦澀
唔係太易入口…
如果揀汽水 我當日就指定只可以飲芬達
不過酒店喺用餐範圍唔同地方都擺咗凍水同埋冰紅茶，亦有咖啡機任大家沖
整體來講今次用餐體驗都好愉快
食物款式多、質素高、值得回頭
Post
