文仔記麵食店

Open Now

Now Closed

今日入西貢，行到橫街窄巷，見到寫住老字號文記，貼晒圖話牛什牛腩，望落D圖靚仔份量足，諗住試下。叫左個淨牛什外賣，佢話要91蚊，我覺得可能牛什份量大和水準高就即時比錢。結果比錢時兩個阿姐就係度因為落唔落單而互相吵鬧幾句，搞到臉濃濃對住我，都算。找完錢，等佢比餸我，結果間野無乜食客都等左好一陣。到終於見到整我既野，離遠見到廚房阿姐只係一個湯勺撈起D牛什（真係得一勺），就倒入個膠盒度，樓面阿姐就即時合蓋攞比我。我一睇個膠盒份量呆一呆。好野，出面牛什話50蚊60蚊碗都叫貴，但都肯定無佢呢度賣得咁Q貴。成盒野，牛什+湯汁，夾埋都唔知有無1/3個膠盒。我真係唔知比咩反應好。我攞完就返去，返到去都比人問：（佢賣幾錢斤？咁少？）佢無寫幾錢斤喎！淨寫淨餸90蚊啊！唔可以話佢呃人，但真是份量超出晒所有預期。半盒都無，超痴線，真係好意思出手賣90蚊？至於味道，超咸，可能係要煮比鍾意食咸口既人士，而且好鞋，又唔淋，想食既睇路。我就絕對絕對唔會再有下次。也絕對唔會推介。鍾意既就去啦！無人阻止你。