A la maison XXL Seafood & Grill (Closed)

睇同事Facebook post相，見到個seafood platter勁吸引，所以班friend話要慶祝聖誕，我即刻建議黎試下。我同朋友都好鍾意食海鮮，一黎就order個signature tasting platter，龍蝦肉實淨、幾爽口；麵包蟹膏超正，鮮甜；仲有蜆、蝦、翡翠螺同生蠔，生蠔好新鮮，每人食左隻，唔多夠喉，所以再叫多半打！前菜點左個凱撒沙律，不愧係XXL，沙律大份到Ｏ咀，食埋個沙律都半飽。另外仲點左客焗德國鹹豬手，皮都脆脆地，唔硬，肉味濃，連酸菜我都好鍾意，酸度岩岩好！魚湯咸左少少，反而另上嘅魚肉唔會太老，幾好食仲叫左飯同墨魚仔，味道唔錯，不過墨魚仔「淋」左Ｄ，口感怪怪地......我地叫侍應推介支果味濃嘅紅酒，呢枝幾易入口，唔錯！下次同朋友gathering我都會推介呢度。