Video
Read full review
2021-06-18
5746 views
真係好好好好好耐無食餐真正既fine dining啦！就趁住呢個特別既日子，大破慳囊，食返餐正野去慶祝下，而選址定左呢間米芝蓮二星餐廳同亞洲50最佳餐廳既Amber。Amber其實對我黎講有特殊既意義，因爲好多特別日子，我地都揀左係呢度食飯慶祝。Amber兩年前裝修完之後我地黎過一次，今次係裝修之後第二次黎，都真係過左好耐下，就試下餐廳有無進步啦。餐廳位於置地文華東方酒店7樓。餐廳私隱度非常高，升降機口登記之後需要再經過一道趟門先到用餐區，要由服務員帶你入去。裝修以和諧既木制家具爲主。座位同座位之間空間當然充足，絕對唔會聽到其他食客講野。今次我地坐喺餐廳靠入面嘅一張圓枱，兩個人都面向同一個方向，可以坐得親密d，識揀一定揀呢張枱。座位係梳化，有坐墊等你坐得舒服d。坐低之後服務員就每人遞上一個口罩套。服務員會倒暖水入去右手邊個隻灰色杯仔，令入面個塊濕手巾變大，等你抹手。我地叫左still water，Nordaq Fresh still water 每位多謝$30另加一。Sparkling water都係一樣價錢。$30另加一既水當然好飲。午餐分三個價錢，分別係$778，$950，同$20
Amber兩年前裝修完之後我地黎過一次，今次係裝修之後第二次黎，都真係過左好耐下，就試下餐廳有無進步啦。餐廳位於置地文華東方酒店7樓。餐廳私隱度非常高，升降機口登記之後需要再經過一道趟門先到用餐區，要由服務員帶你入去。裝修以和諧既木制家具爲主。座位同座位之間空間當然充足，絕對唔會聽到其他食客講野。
今次我地坐喺餐廳靠入面嘅一張圓枱，兩個人都面向同一個方向，可以坐得親密d，識揀一定揀呢張枱。座位係梳化，有坐墊等你坐得舒服d。坐低之後服務員就每人遞上一個口罩套。
服務員會倒暖水入去右手邊個隻灰色杯仔，令入面個塊濕手巾變大，等你抹手。我地叫左still water，Nordaq Fresh still water 每位多謝$30另加一。Sparkling water都係一樣價錢。$30另加一既水當然好飲。
午餐分三個價錢，分別係$778，$950，同$2088，另收加一，佢哋分別係Amber experience 包四道菜，Extended Amber experience 包五道菜，同Full Amber experience包六道菜。
上次試過Full Amber experience，今次黎個入門既Amber experience。
麵包自從裝修之後就轉左Sourdough，其實真係幾失望，同其他米芝蓮西餐廳有好多款唔同種類既麵包比你揀差天共地......Sourdough皮都脆既而入面都算軟綿綿既，不過真係平平無奇。跟Sourdough上得一款牛油，我地另外要求要橄欖油同黑醋，黑醋甜甜地好味道。
餐前開胃菜
232 views
4 likes
0 comments
上次黎食居然無餐前開胃菜！好彩今次餐前開胃菜終於回歸！餐前開胃菜有三款（或者其實只算兩款）。
餐前開胃菜
177 views
4 likes
0 comments
服務員建議食左兩條抹茶蛋卷狀嘅開胃菜先，查實佢哋係薄脆餅皮包住滑溜磨菇慕絲，食完令味蕾感覺好清新！
磨菇茶
155 views
1 likes
0 comments
服務員之後建議飲呢杯熱辣辣嘅磨菇茶。呢杯磨菇茶有好香既磨菇味，帶好微微嘅菇澀味，絕對係茶而唔係湯。我成餐飯之後個口都係呢陣菇味。
鴨肝棒棒糖
137 views
2 likes
0 comments
服務員建議最後先食招牌鴨肝棒棒糖。呢款開胃菜咁多年黎都仲喺度，證明係幾咁招牌！少少酸酸地既莓味外皮配滑溜鴨肝餡，再加上外面兩塊細細地既脆餅，一口一件，完全唔膩而有層次感，非常出色！
Corn ̊ Kristal Schrenki Caviar ̊ Seawater ̊ Sudachi
$248
80 views
3 likes
0 comments
Corn ̊ Kristal Schrenki Caviar ̊
Seawater ̊ Sudachi ̊ 加$248
Corn ̊ Kristal Schrenki Caviar ̊ Seawater ̊ Sudachi ̊
$248
106 views
3 likes
0 comments
Corn ̊ Kristal Schrenki Caviar ̊ Seawater ̊ Sudachi ̊
$248
97 views
2 likes
0 comments
Corn ̊ Kristal Schrenki Caviar ̊ Seawater ̊ Sudachi ̊
$248
103 views
2 likes
0 comments
前菜每人三揀一。呢道前菜應該係Amber既招牌之一，我第一次黎已經試過。要加$248，絕對唔平，但係真係好好味道！首先擺盤無得彈，滿滿既魚子醬上面放左少少金箔，一個有質感既碗仔放係大中小三隻碟，細碟仲放滿碎石粒。另外仲有一個大兜放左兩大塊脆片，脆片係暖暖地，連裝飾既石頭都係暖既，真係一絲不苟。服務員建議所有配料一齊食。
Corn ̊ Kristal Schrenki Caviar ̊ Seawater ̊ Sudachi ̊
$248
94 views
3 likes
0 comments
於是我就用個隻特製用黎食魚子醬既匙羹筆一大羹椰菜花慕斯，海膽，酢橘啫喱同魚子醬放係脆片上面一齊食，首先魚子醬味道真係好香濃，我之前實在係食得太多所謂魚子醬係得個鹹字，呢個係好有海洋既味道。椰菜花慕斯好香滑，不過椰菜花味唔濃，反而有d似雲呢拿慕斯。海膽當然係超鮮甜滑溜。成個組合係非常海鮮，再加上脆口既脆片同慕斯既香滑口感，好正！
Amberjack ̊ Vanilla ̊ Sea Salt ̊ Sunflower Seed ̊ Grapefruit ̊ Fennel ̊ Sorrel ̊
100 views
2 likes
0 comments
Amberjack ̊ Vanilla ̊ Sea Salt ̊ Sunflower Seed ̊ Grapefruit ̊ Fennel ̊ Sorrel ̊
84 views
2 likes
0 comments
Amberjack ̊ Vanilla ̊ Sea Salt ̊
Sunflower Seed ̊ Grapefruit ̊ Fennel ̊ Sorrel ̊
另外呢款前菜都好味道。主角鰤魚有三塊，呈半熟狀態，超鮮甜嫩滑，而黑魚皮好脆。另外配有幾塊爽脆Sorrel片，少少西柚肉，仲有非常新鮮既香脆葵花籽增添口感。食落少少酸酸地，感覺非常清新。
Milk Fed Lamb Loin ̊ White Asparagus ̊ Girolle Mushroom ̊ Preserved Black Winter Truffle ̊
$298
103 views
2 likes
0 comments
Milk Fed Lamb Loin ̊ White Asparagus ̊
Girolle Mushroom ̊ Preserved Black Winter Truffle ̊ 加$298
主菜每人四揀一。我地揀左呢道羊，要加$298，絕對唔平。賣相又係勁靚，好多唔同顏色嘅大細圓點，好吸引眼球。羊肉係奶飼，廚師建議medium rare，我哋當然照跟。羊肉整得超粉嫩而唔羶，外面包住一層薄薄脆皮同少量脂肪，超好食！可惜羊肉只得兩舊，點夠喉？！服務員建議羊肉同咖啡色既圓點醬汁一齊食，圓點醬汁係松露醬汁，好香，同羊肉一齊食的確好夾。白蘆筍身爲第二主角，用左好靚既小黃花同小綠葉扮靚，而味道當然係鮮甜加完全無根，所以超易咬開，否則一定唔及格。最後，厨師將好多小黃菇拼埋變成一個大圓點，貫切主題，味道則正常。如果想加黑松露片可以另外再加錢，可惜我地荷包已乾。
Atlantic Pollack ̊ Green Asparagus ̊ Ramson ̊ Extra Virgin Grapeseed Oil ̊ Shiro Soy ̊ Ginger ̊
85 views
3 likes
0 comments
Atlantic Pollack ̊ Green Asparagus ̊ Ramson ̊
Extra Virgin Grapeseed Oil ̊ Shiro Soy ̊ Ginger ̊
另外揀左呢道魚作爲主菜。阿拉斯加鱈魚既分量就正常得多，好多肉食，哈哈！
Atlantic Pollack ̊ Green Asparagus ̊ Ramson ̊ Extra Virgin Grapeseed Oil ̊ Shiro Soy ̊ Ginger ̊
71 views
2 likes
0 comments
鱈魚既生熟度掌握得完美，係剛剛熟而絕不過火，所以超滑，眼見晶瑩通透，抵讚！三塊黑色魚皮則非常薄脆，俾你多一重口感。第二主角既綠色蘆筍一樣爽脆無根。綠色既慕斯好滑，感覺好清新，我覺得係用Ramson整。成個主菜好食得黎又健康，絕唔會過油或者過鹹，魚又唔腥又無骨，好食！
Squash ̊ Coconut ̊ Sea Buckthorn ̊ Extra Virgin Pumpkin Seed Oil ̊ Pumpkin Seed ̊
62 views
1 likes
0 comments
Squash ̊ Coconut ̊ Sea Buckthorn ̊ Extra Virgin Pumpkin Seed Oil ̊ Pumpkin Seed ̊
60 views
3 likes
0 comments
Squash ̊ Coconut ̊ Sea Buckthorn ̊
Extra Virgin Pumpkin Seed Oil ̊ Pumpkin Seed ̊
甜品就相對令人失望。甜品每人四揀一。呢道Squash既椰子慕斯味道好弱，滑就夠滑。最特別係下底個層應該係用南瓜籽造既厚身慕斯，食落好似花生醬，味道就較爲突出。薄脆上面既橙色慕斯應該就係Sea Buckthorn，味道唔太特別。有d後悔揀左呢道甜品。
Rhubarb ̊ Strawberry ̊ Sansho ̊ Begonia ̊ Extra Virgin Manni Olive Oil ‘ Per Mio Figlio ’ ̊ Honey ̊
56 views
3 likes
0 comments
Rhubarb ̊ Strawberry ̊ Sansho ̊ Begonia ̊ Extra Virgin Manni Olive Oil ‘ Per Mio Figlio ’ ̊ Honey ̊
51 views
3 likes
0 comments
Rhubarb ̊ Strawberry ̊ Sansho ̊ Begonia ̊
Extra Virgin Manni Olive Oil ‘ Per Mio Figlio ’ ̊ Honey ̊
呢道甜品更令人失望，實在係超酸。主角係士多啤梨雪葩，下面有一塊薄脆，再下底有少少香滑意式奶凍。圍邊有幾塊爽口既形似西芹而我懷疑係Sansho既物體，蜜糖完全唔甜。個人真係幾唔鍾意呢道甜品，不過造型都可以既，以紅色同粉紅色爲主，仲撒上d應該係Begonia既靚靚花瓣。可能鍾意酸既朋友會鍾意既。我就好後悔揀左呢道甜品，唔知另外兩道會晤會好d呢？
凍朱古力
45 views
2 likes
0 comments
凍朱古力（跟餐）
跟餐包一杯飲品，我地食完甜品唔夠喉，叫左兩杯凍朱古力，要脫脂奶，唔洗加錢。凍朱古力超大杯，上枱都要用一塊木板仔上，大陣象。不過開頭飲既時候下面既朱古力係唔凍既，上面有冰既先凍。作爲一杯米芝蓮二星餐廳既凍朱古力，唔好意思唔及格。
呢個時候，由於係慶祝特別日子，服務員就送上一個迷你蛋糕仔，係用一個好靚嘅雲石紋盤放好，插住支點著左嘅蠟燭，仲有一塊朱古力牌，好貼心。服務員主動幫我哋影相，然後等我哋吹熄蠟燭之後先同我哋分蛋糕，或者可打包拎走。個蛋糕係輕盈忌廉包住雪芳蛋糕，中間有層水果啫哩夾心，面頭有塊印左餐廳logo嘅薄脆朱古力。蛋糕食落好濕潤，略嫌夾心同雪芳蛋糕分得太開。一人半個蛋糕食完都唔膩。
冰鎮水果
40 views
2 likes
0 comments
估唔到以下落黎仲有好多野食，服務員放低左一兜冰鎮水果，有兩大片香甜多汁切好一口size嘅蜜瓜，應該係日本貨，仲有兩粒剝開左殼嘅荔枝同兩粒超大嘅香甜車厘子。當然放左隻兜仔俾你放核同殼。
法式小蛋糕Madeleine配自家製士多啤梨果醬
42 views
3 likes
0 comments
除左水果，仲有法式小蛋糕Madeleine配自家製士多啤梨果醬。呢度嘅法式小蛋糕係我食過最好味嘅，暖暖哋，外脆內軟，好香牛油味，齌食都得。而士多啤梨果醬唔過甜，同埋真係有一粒士多啤梨果肉係入面。法式小蛋糕下面其實仲有唔少碎果仁，我試左少少都食得落口。
熱情果松露朱古力
37 views
1 likes
0 comments
最後就係熱情果松露朱古力。朱古力大大粒，外皮滿佈脆米，雖然熱情果味唔出，但係好好味而唔過甜。
日本蜜桃果汁
42 views
1 likes
0 comments
本來服務員準備左Expresso俾我地，不過我問完有無咖啡因之後，服務員就好貼心問我會晤會想要果汁！有兩款果汁揀，我地揀左日本蜜桃果汁，唔係最頂級個d，但係當然夠好飲，分量唔多，細細杯。
食飽飽離開餐廳，當然有服務員問候我地用餐感覺如何，臨離開仲每人有一塊朱古力做手信，服務員幫你禁埋lift，送埋你走，等你全程感覺賓至如歸。
總括而言，前菜同主菜食物質素令人滿意，甜品則令人失望。服務基本上無可挑剔，貼心同注重細節位，例如全部客人嘅每一道菜都等好先一齊上，食完麵包幫你清下枱上嘅麵包屑等等。服務員上菜時都會將每一道菜仔細介紹，雖然好多時我都聽唔哂，如果可以講得慢d會更好。當然，呢餐價錢絕對唔平，但係絕對開心，特別日子先會黎啦。
Post
