Bacchus (Closed)

餐廳好有情調，燈光柔和，全場以橙色絨布卡坐梳化，非常舒適。🍴頭盤 ：帕爾馬火腿蜜瓜 - 火腿紋理清晰，肥瘦適中，入口甘香，略帶些小咸度，配埋蜜瓜一齊食，味道balance得極好，而且帶油花部分，越𡁻越香。🍴招牌慢煮法國黃油雞 - 食物真係要講質素，慢煮唔會出現肉類因高溫加熱下纖維收縮的情況，故肉質會保持軟腍，慢煮的另一個優點是它可以保存較多營養。呢度慢煮黃油雞，雞胸肉保持嫩滑濕潤，雞味濃郁；雞鎚部份更加香滑，同個紅酒汁好夾。🍴甜品 - 自家製提拉米蘇，呢度將手指餅切段放上面，原全keep住脆度，中間層mousse打得好輕盈滑溜，微微帶點咖啡酒香，側邊配埋個冰凍雪糕，增加冰凍口感。呢個甜品無論口感、味道、造型都原原全全顛覆我對tiramisu 嘅感覺🤣。