B’hood

Open Now

Now Closed

餐廳：B‘hood地點：尖沙咀麼地道菜式：酒吧西餐廳餐牌：飲品有咖啡，雞尾酒，其他酒類，茶。食物有串燒，多款招牌菜式，Tapas，肉類，意粉，意大利飯，甜品等。先叫一杯打卡cocktail。Ginpacho ver.2 $100 另加一Ginpacho ver.2係以西班牙凍湯為靈感，有氈酒混合冷壓哈密瓜汁同蘋果汁，加入洋蔥，芝麻，青瓜，青蔥，喜瑪拉雅鹽等提味，配有兩片煙肉。飲品用高身杯上，而兩片煙肉用個圓紙筒夾住係杯邊，玩味十足。煙肉鹹香，配個凍湯食好特別，凍湯呈濃淺黃色，味道好似蔬菜湯，主要係青瓜加芝麻味，適合飯前飲用，酒味完全唔濃。炭燒香草羊扒，新薯露筍 $168 另加一一客兩件羊架，叫左medium rare，雖然比預期中熟，不過肉質都好嫩，完全唔羶，燒得外面少少脆皮。伴有黃色芥末一細兜。下底有脆皮新薯三件同三條鮮嫩露筍。泰式芒果紫米飯伴椰子雪糕 $88 另加一呢個甜品製作時間都唔短，建議早叫起。泰式芒果紫米飯伴椰子雪糕賣相精美，暖暖紫糯米上面有一片酸芒果肉，加上大量椰汁，伴有一大球椰子味雪糕同兩片士多啤梨。紫糯米非常有咬口，粒粒分明，伴冰凍香滑雪糕仲有香甜椰汁一齊食真係好正！