Video
Read full review
2017-08-23
1429 views
呢日嚟到銅鑼灣，試試呢間日式串燒店Bilibala Yakitori Bar。餐廳有多款串燒同小食，選擇都唔少。白飯魚乾，將白飯魚拼埋一齊再炸成薄片，脆口鮮香，真係幾啱送酒。玉子蛋，每層都煎得非常薄，咬起嚟濕潤鬆軟，同埋有啲甜味，一向鍾意食玉子燒嘅同行朋友都好欣賞。店員拎咗三款醬汁嚟，分別係柚子汁、梅子汁同麵豉，仲話係用嚟點之後嘅串燒食嘅。餐廳嘅串燒係用類別嚟分，其中雞肉類就佔咗唔少篇幅。大蔥雞肉，雞肉嫩滑多汁，同大蔥一齊食好香口。沖繩苦瓜雞肉燒，呢款係嚟之前已經想試嘅串燒。嚟自沖繩嘅苦瓜質感爽口兼無苦澀味，仲可以同雞肉互相中和，表現無令我失望。免治雞肉棒，免治雞肉打得鬆化得嚟又有咬口，蘸埋撈勻之後嘅醬汁同雞蛋黃，就多添幾分滑溜感。銀鱈魚，既大塊又夠厚，魚皮燒得焦脆，魚肉軟綿。牛舌，每片都切得幾厚身，食起嚟爽嫩帶油香，好鍾意。日本花竹蝦，餐廳特登將佢切成小片，食嗰時就仲方便。試埋比較飽肚嘅燒飯團，碟上仲有酸酸嘅牛蒡，同埋剪成長條形嘅紫菜片，可以用佢包住飯團嚟食，咁就唔怕米粒會癡手，幾細心。海膽燒飯團，頂端嘅海膽濃香，燒飯團外層就有層飯焦，同埋加咗紫菜絲，味道豐富。明太子燒飯團，上面嘅明
呢日嚟到銅鑼灣，試試呢間日式串燒店Bilibala Yakitori Bar。
餐廳有多款串燒同小食，選擇都唔少。
白飯魚乾，將白飯魚拼埋一齊再炸成薄片，脆口鮮香，真係幾啱送酒。
玉子蛋
24 views
0 likes
0 comments
玉子蛋，每層都煎得非常薄，咬起嚟濕潤鬆軟，同埋有啲甜味，一向鍾意食玉子燒嘅同行朋友都好欣賞。
店員拎咗三款醬汁嚟，分別係柚子汁、梅子汁同麵豉，仲話係用嚟點之後嘅串燒食嘅。
大蔥雞肉、沖繩苦瓜雞肉燒
34 views
0 likes
0 comments
餐廳嘅串燒係用類別嚟分，其中雞肉類就佔咗唔少篇幅。大蔥雞肉，雞肉嫩滑多汁，同大蔥一齊食好香口。
沖繩苦瓜雞肉燒，呢款係嚟之前已經想試嘅串燒。嚟自沖繩嘅苦瓜質感爽口兼無苦澀味，仲可以同雞肉互相中和，表現無令我失望。
免治雞肉棒，免治雞肉打得鬆化得嚟又有咬口，蘸埋撈勻之後嘅醬汁同雞蛋黃，就多添幾分滑溜感。
銀鱈魚，既大塊又夠厚，魚皮燒得焦脆，魚肉軟綿。
牛舌
28 views
0 likes
0 comments
牛舌，每片都切得幾厚身，食起嚟爽嫩帶油香，好鍾意。
日本花竹蝦，餐廳特登將佢切成小片，食嗰時就仲方便。
試埋比較飽肚嘅燒飯團，碟上仲有酸酸嘅牛蒡，同埋剪成長條形嘅紫菜片，可以用佢包住飯團嚟食，咁就唔怕米粒會癡手，幾細心。
海膽燒飯團，頂端嘅海膽濃香，燒飯團外層就有層飯焦，同埋加咗紫菜絲，味道豐富。
明太子燒飯團，上面嘅明太子份量唔少，幾鹹鮮惹味，原本以為飯團嘅主體只有米粒，食食吓先發現中間仲包住明太子架。
Kirin Ichiban
9 views
0 likes
0 comments
另外，朋友仲叫咗杯Kirin Ichiban，一邊飲啤酒一邊食串燒都唔錯。
餐廳有部份串燒係搽咗醬汁嚟燒，食起嚟惹味又唔會太鹹。燒烤嘅時間又啱啱好，食物仲有肉汁，無出現乾身嘅情況，整體嚟講印象良好。
Post
