共度一燒

Open Now

Now Closed

經過門口會覺得佢係間cafe，食意粉飲咖啡，但佢嘅真身其實係食串燒飲啤酒。疫情關係，啱啱開返晚市，舖面人手嚴重不足，雖然呢間舖頭唔大，但眼見門面得一個人工作，入坐前都交代咗啲串燒可能要等半個鐘以上，因為唔算肚餓，所以我哋都照食。先嗌碗酸辣粉share 頂吓肚先，佢係採用畫紙形式嗌嘢食，酸辣粉有得揀辣度、麻度、酸度，按自己喜好選擇。我哋揀咗烏冬加金菇Albert yip，味道唔錯，朋友話早知嗌一人一碗🤣串燒都真係等咗好耐先嚟，今次試咗牛舌芯、墨魚咀、豬頸肉、雞腎、韮菜同京蔥肥牛卷。除咗個韮菜有好多渣，其他都燒得幾有水準，下次會再嚟試其他唔同嘅串燒。可能大家會覺得食串燒坐街邊更有風味，cafe裝修唔係幾match，但多數女仔都鐘意乾淨又有得打卡嘅環境，所以呢個設計我覺得係幾特別嘅。