古朴年代咖啡．酒館 (Closed)

4月尾有日閒日放假, 黎左呢間餐廳試下~ 入到去暗暗地, 環境幾寬敞舒服, 幾好情調, 佈置幾靚丫~ 因為係閒日, 有個"Weekday Lunch Set", 咁我估比weekend既lunch set係平d~我叫左個"溫泉蛋卡邦尼意粉", $58 有埋熱飲, 價錢唔算貴~ 可能都比較少人, 等左一陣就有得食啦~ 個意粉煮得幾好食啵, 煮意粉其實幾考功夫, 因為自己試過失敗好多次~ 呢度煮得幾彈牙又唔硬~ 都算係近期食過最好味既carbonara啦 (未計自己煮既XD), 而且好足料, 有好多煙肉同埋多款唔同類型既菇~ 中間仲有隻溫泉蛋! 個汁味道都幾好, 同埋d汁又唔會太多/太少~ 而即磨咖啡幾香, 入口唔會苦澀, 都唔錯丫~最後埋單原來唔洗加一添,  相當滿意,下次都可以再黎食其他款~