Video
Read full review
2012-06-22
13 views
今次係我第一次團購優惠coupon, 要好好的記錄一下!昨晚係大家姐生日, 我地一行7大1小決定試試這新開的放題! 首先, 訂座電話很難打, 我打左成十次先打通, 可能係剛出團購關係, 好多人book位掛, 幸好也book倒位, 如果唔係我都唔知點處理d團購coupon. 餐廳地點也不算很難找, 地鐵站一出, 就見倒了, 於通利樓上, 餐廳的外牆也有招牌, 只是找不到從何處上3樓, 要用心才見倒大廈的入口, 由於電梯太細, 我同部份人只好行旁邊既樓梯上3樓, 我諗:"消耗多左, 一陣食多兩舊補返數" 既心態, 快速地行左呢3層樓梯!一上到去, 已經有好香既燒牛肉味, 我地一坐低立刻點野食, 事關我同細佬係牛魔王, 全部牛肉既款式, 我地點晒 當然都有點其他食物, 豚肉 羊肉 蝦 壽司 刺身 沙律...........都唔記得點左幾多, 只知道食物好快就放到全桌面都係 講下d食物質素先:牛肉: 款式有大約十款, 本人最like就係牛粒同牛仔骨, 牛肉味濃羊肉: d羊肉同羊扒都好羶, 我本身唔食羊的, 所以無評價, 但家姐同呀媽就好鍾意食! 而家諗起果陣羶味, 都有點反胃豚肉: 我
昨晚係大家姐生日, 我地一行7大1小決定試試這新開的放題! 首先, 訂座電話很難打, 我打左成十次先打通, 可能係剛出團購關係, 好多人book位掛, 幸好也book倒位, 如果唔係我都唔知點處理d團購coupon.
餐廳地點也不算很難找, 地鐵站一出, 就見倒了, 於通利樓上, 餐廳的外牆也有招牌, 只是找不到從何處上3樓, 要用心才見倒大廈的入口, 由於電梯太細, 我同部份人只好行旁邊既樓梯上3樓, 我諗:"消耗多左, 一陣食多兩舊補返數" 既心態, 快速地行左呢3層樓梯!
一上到去, 已經有好香既燒牛肉味, 我地一坐低立刻點野食, 事關我同細佬係牛魔王, 全部牛肉既款式, 我地點晒
當然都有點其他食物, 豚肉 羊肉 蝦 壽司 刺身 沙律...........都唔記得點左幾多, 只知道食物好快就放到全桌面都係
講下d食物質素先:
牛肉: 款式有大約十款, 本人最like就係牛粒同牛仔骨, 牛肉味濃
羊肉: d羊肉同羊扒都好羶, 我本身唔食羊的, 所以無評價, 但家姐同呀媽就好鍾意食! 而家諗起果陣羶味, 都有點反胃
豚肉: 我本身就麻麻豚肉的, 但有幾款醃得很特別, 所以都食左幾件
蝦: 本身每位送的7吋虎蝦當然要讚!! 真係好大隻!! 但比起餐紙上點的, 真的比下去, 餐紙上的是普通size, 但好彩都夠新鮮, 最後都食埋
壽司: 壽司飯很軟很新鮮, 姪仔食左好多蛋壽司, 還有一款叫手(槍)卷, 是一碗刺身壽司飯+ 紫菜分開 上比我地, 問店員點解叫做手(槍)卷, 佢笑笑口話即係叫我地自己整黎食, 細佬即刻大笑!!!!!!!經細佬解說先知大約意思係"那些年"打手槍既意思!!!大約解作"自己黎"!!!呢個名真係非常創新!!
刺身: 三文魚/帶子刺身十分肥美. 其實款式我就印象中就ok
沙律: 沙律一定要推介, 用上西餐的沙律菜, 加上酸酸甜甜既沙律汁, 十分開胃, 食完又有胃口可以食多兩件牛肉
最後每位送贈一柸 haagen 雪榚作總結, 真係食到好飽!!
# 牛肉類恕我食得太心急, 唔記得影相
總結:
團購價當然好抵食, 但細佬話正價佢都會再黎, 因為理論上食正價大約$200食都一定無蝕
食物質數好, 賣相靚
新店裝修, 地方企理, 坐得幾舒服, 門口位於有個達磨像, 比食客祈福, 夠特別
人手唔夠, 叫幾次先黎加倒水
Other Info. :
題外話: 原來打一篇食評要好多時間同心機, 真係好多謝其他食家一直而黎既留言, 我都會努力多多留食評比大家參考的!!!
(The above review is the personal opinion of a user which does not represent OpenRice's point of view.)
Post
