Video
Read full review
2022-02-01
1485 views
【中環】すき焼 森久 傳說中打幾十個電話都未必預約到，非常之難book嘅壽喜燒，終於到我啦！😆Sukiyaki Mori 喺中環有3間分店，位於卑利街嘅分店，大門用低調嘅全黑木加一個細細嘅招牌燈箱，感覺好神秘，唔認真睇都唔知係一間餐廳。按鐘開門後，經過地燈走廊，係另一個日本風嘅世界。全店大概只有10個座位，另設一間包廂。✨Sukiyaki Lunch Set $580/位、牛舌+$100前菜一份菜之花配黑豆，蒸物係紫菜茶碗蒸蛋。壽喜燒選用近江和牛，分別有西冷同肩胛2個部位：🥩西冷肉質細膩，油花分佈均勻，入口即溶。🥩肩胛則肉味濃郁，脂肪較少。另外仲加咗$100多一份和牛舌。🤤👅Dinner Set會多一份肉眼同一款肩肉，對於小鳥胃嘅我嚟講，食午餐已經好夠飽👅師傅先用牛脂沾鍋再放牛肉，煎肉嘅同時落糖同醬油調味，係正宗關西風壽喜燒做法。😍菜盤所有蔬菜嚟自日本，不得不提蒟蒻粉絲，吸收咗壽喜燒汁同牛肉汁嘅味，再炒到乾身，好好食。滑蛋牛肉飯係當日畫龍點精之作，煎香嘅牛肉粒加上半熟炒滑蛋，係我食過最好食嘅蛋牛飯😋。師傅非常之細心，從用餐中知道我比較細食，比少啲飯我。整個用餐過程都好有去咗日本嘅體驗，
傳說中打幾十個電話都未必預約到，非常之難book嘅壽喜燒，終於到我啦！😆
Sukiyaki Mori 喺中環有3間分店，位於卑利街嘅分店，大門用低調嘅全黑木加一個細細嘅招牌燈箱，感覺好神秘，唔認真睇都唔知係一間餐廳。
按鐘開門後，經過地燈走廊，係另一個日本風嘅世界。全店大概只有10個座位，另設一間包廂。
✨Sukiyaki Lunch Set $580/位、牛舌+$100
前菜一份菜之花配黑豆，蒸物係紫菜茶碗蒸蛋。
壽喜燒選用近江和牛，分別有西冷同肩胛2個部位：
🥩西冷肉質細膩，油花分佈均勻，入口即溶。
🥩肩胛則肉味濃郁，脂肪較少。
另外仲加咗$100多一份和牛舌。🤤
👅Dinner Set會多一份肉眼同一款肩肉，對於小鳥胃嘅我嚟講，食午餐已經好夠飽👅
師傅先用牛脂沾鍋再放牛肉，煎肉嘅同時落糖同醬油調味，係正宗關西風壽喜燒做法。😍
菜盤所有蔬菜嚟自日本，不得不提蒟蒻粉絲，吸收咗壽喜燒汁同牛肉汁嘅味，再炒到乾身，好好食。
滑蛋牛肉飯係當日畫龍點精之作，煎香嘅牛肉粒加上半熟炒滑蛋，係我食過最好食嘅蛋牛飯😋。師傅非常之細心，從用餐中知道我比較細食，比少啲飯我。
整個用餐過程都好有去咗日本嘅體驗，例如喺開始嘅時侯店員會提供衣套嚟套住椅背上嘅衣物，100分貼心👍🏻
👉🏻只有每月1號開放下個月嘅booking，想食嘅朋友記得預早計劃啦！（預約時註明食壽喜燒）
⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
🐱整體評分：💖💖💖💖💖💖💖💖💖(9/10）
💰人均消費：700
📍地址：中環卑利街51號地舖
⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
Post
