市川日本料理 (Closed)

難得7月1日又有3日連假，撞岩又有朋友仔生日，一於帶佢去食好西先。早前知道尖沙咀 I Square 25/F 開左一間日本餐廳叫【市川日本料理】，餐廳內既環境舒適不在話下，景觀亦嘆為觀止，俯瞰維蛋利亞海港整個海景之餘，還有對著半島酒店的景觀，非常舍意。我哋叫左2個 2人套餐，分別係「鹿兒島和牛鐵板燒套餐」、「龍蝦鐵板燒套餐」，另再叫一個雜錦既剌身。「蟹肉蕃茄沙律」野菜都很新鮮爽脆，蕃茄很清甜，蟹肉絲都很新鮮，如果蟹肉份量可以多一點會更好。「法國鵝肝配虎蝦」法國鵝肝非常香口，入口即溶，啖啖回香，配埋底層既脆多士一齊食，簡直天堂的感覺。虎蝦啖啖肉好爽口滿足。「北海道帶子配鱈魚」北海道帶子新鮮大大粒，鱈魚燒得剛剛好，帶黠脆邊的。「自家制汁龍蝦」自家制汁好惹味，直接提升龍蝦的鮮味。「鹿兒島A4霜降和牛」（厚燒）入口即溶，牛味相當香濃，一啖一口，好岩女仔食。「季節溫野菜」 印象中帶蕃茄、青瓜（好似）、栗米荀，非常新鮮清甜，而且好脆口。「挪威三文魚炒飯」和「香蒜煙肉炒飯」炒飯粒粒咸香，而且平均，份量亦算不算少。朋友都很滿意呢餐生日飯，決定下次帶多喲朋友黎食下其他野食先。