After Taste Coffee (Closed)

放假想搵個地方chill下，於是就嚟咗西營盤一間黃店咖啡店。見到咖啡店門外貼滿海報及文宣，裏面裝飾環境亦都好有特色。因為都幾多客人，嗰陣得返近門口嘅位置，所以我哋就坐咗喺對住門口嘅位置。我哋首先叫咗一杯Mocha $50，杯身設計好靚，忍唔住打咗一陣卡。結合朱古力的香甜與濃縮咖啡嘅強勁口味，質感幼滑。 Black coffee $38 拉花心形拉得幾靚，表面厚厚嘅奶泡伴隨着香而濃郁嘅咖啡味。十分厚重、濃稠嘅口感。伯爵茶蛋糕，輕軟微甜而不膩，蛋糕鬆軟幼滑，有陣淡淡的伯爵茶味。好吃。餐廳環境非常舒適，好適合我哋呢啲唔想出去行街，但又唔想留係屋企嘅人，可以喺度過一個休閒的下午。