HARA

Open Now

Now Closed

好耐無出過食評😂儲咗勁多貨，要慢慢出返先得！呢間位於佐敦嘅餐廳係朋友介紹，係食日式西餐，環境都唔錯👍🏻仲送小食帶子群邊🤤而且服務態度仲好好添🥰💁🏻‍♀️照燒雞泡魚乾🐡：焗過嘅雞泡魚乾真係無得輸😆沾上少少七味粉同沙律醬，食到停唔到口🫢💁🏻‍♀️時令炒蜆（蒜蓉辣椒）：蜆都幾大隻仲幾多，食落少少辣🌶️，蒜蓉辣椒同炒蜆真係超夾！我仲好似食到有少少香茅味😂💁🏻‍♀️睡蟹意大利飯：佢好搞笑咁放咗個🦀蟹蓋喺飯上面，面頭仲有用蟹膏煮嘅醬，食落好creamy不過飯就偏硬咗少少🤔💁🏻‍♀️屠夫牛扒🐮：平時肉眼，西冷就食得多啦，屠夫牛扒真係好少聽，原來佢係🐂牛隻嘅橫膈膜，係牛最嫩嘅部位，每隻牛淨係可以切出一小塊，所以罕有到🪚屠夫自己都唔捨得賣，所以叫「屠夫牛扒」🤗講到咁勁，就睇下係咪咁好食先😚我哋叫咗medium，牛味濃，份量都幾多，但未到好嫩，屠夫吹大咗喎😂💁🏻‍♀️ 椰皇🥥焦糖燉蛋：呢個真係推介！個燉蛋係凍食，食落好香椰子味，無平時嘅焦糖燉蛋咁膩👍🏻而且好有心咁用個椰子裝住，入面仲有椰肉可以食，成個甜品都好IGable🤤