AMARE Bistro and Wine (Closed)

AMARE Bistro and wine最近帶左屋企人嚟位於將軍澳嘅海旁餐廳，食客可以揀坐室內或室外。今日天氣唔算太熱，又唔會好多蚊，就選擇坐室外露天茶座。哩個露天茶座喺正海旁隔離，可以望住個海食一流。附近都有唔少外國人，喺大家都冇得去旅行既日子，可以黎chill吓。-------------------------我哋叫左2個dinner set，前菜可以揀餐湯或者沙律，仲有迷你意式拼盤，主菜就揀左以下2款，哩個set仲包左任飲飲品同甜品。前菜既餐湯正常，沙律菜新鮮。迷你意式拼盤有各種火腿配芝士，整體味道都幾夾。最鍾意當中嘅巴馬火腿，口感柔軟。燒春雞配司華力腸 $158雞皮香脆，肉質嫩滑，雞胸都唔覺得鞋，配埋酸酸嘅醬，都幾開胃。配菜質素都可以，焗完嘅蕃茄仔味道更加香濃。烤羊鞍 $178有2件羊鞍，叫左7成熟，但嚟到略嫌熟左少少。冇乜羊肥膏，所以都唔會話太羶，怕羶味既人都啱食。點埋哩度附送嘅薄荷沙律醬，味道一流，加分。-------------------------附近仲有單車徑，食完飯可以踩埋單車或者散步，好啱一家大細同情侶黎。AMARE Bistro and wine地址將軍澳