Interval (The LOHAS康城) (Closed)

位於康城嘅呢間餐廳之前已經食過一次，因為坐得舒服又有outdoor area，今次試吓夜晚dinner time再訪，餐廳以柔和白色系為主，凍凍地就啱晒坐outdoor，outdoor座位寬躺空曠，放左啲植物又望到出面個大景，好chill好舒服。我同朋友order咗dinner set，有湯同main course 每人都係大約$150左右起跳，性價比高，想食好啲仲有好多唔同嘅主菜甜品可以upgrade，餐湯order番是日餐湯，西蘭花薯仔湯好creamy同Rich，天氣凍凍地啱晒暖胃，main course order咗龍蝦湯意粉伴大蝦同Grill New York Strip Steak，龍蝦湯唔算太濃郁，不過加埋幾隻大蝦同各款配菜(蒜蓉，肉乾，辣椒，橄欖油)一齊食都幾夾同鮮味，Strip steak肉質粉嫩，肥瘦均勻，食落肉味濃郁且tender，仲有啲配菜，烤蒜同烤薯仔，中和番扒嘅油膩感。甜品tiramisu 有驚喜，佢酒味同Choco 味都重而且層次感做得好好，裏面嘅蛋糕亦都整得好軟淋，absorb哂tiramisu嘅朱古力同酒香味，真係回味無窮