Video
Read full review
2013-09-03
847 views
是日小妹大壽，專登早幾日去book呢間位於ICC 102／F 既餐廳，好好慰勞一下又挨過左一年既自己同屋企人～ 一上到去，餐廳安排左個窗口位俾我地（可以預先bk定），個景觀好開揚丫！第一次系甘高既地方食野,好似置身於雲層中甘,搞到小妹都有D腳陣陣tim~ 對面座太平山好矮丫！ 返回正題先，我地一坐低，waiter 就為我地送上是日menu，佢一聽到我地有吾明白既地方，就即刻為我地好詳細甘解釋一次個menu,實在系非常貼心 佢lunch set 可以叫 3 courses $398, 又或者 4 courses ＄448 最後，我地每個人都叫左個3 courses 既set~食野啦！首先打頭陣既系：檸檬法包 （左）經過細細既咀嚼，清新既檸檬味慢慢由舌尖浸出來，不俗～ Bacon brioche (右）濃郁既牛油味同肥而不膩既煙肉配合得天衣無繨！ 呢度用黎揸麵包既牛油非常特別，厚厚的鋪左一層番茄粉，然後再倒入橄欖油和意大利黑醋。番茄粉酸酸地，幾開胃～ 跟住就到前菜啦～ 我地三個都揀左同一款 他他牛配溫泉鵪鶉蛋及火箭菜他他牛肉好新鮮，而且份量好足料 溫泉雞蛋就食得多，溫
一上到去，餐廳安排左個窗口位俾我地（可以預先bk定），個景觀好開揚丫！
第一次系甘高既地方食野,好似置身於雲層中甘,搞到小妹都有D腳陣陣tim~ 對面座太平山好矮丫！ 返回正題先，我地一坐低，waiter 就為我地送上是日menu，佢一聽到我地有吾明白既地方，就即刻為我地好詳細甘解釋一次個menu,實在系非常貼心
佢lunch set 可以叫 3 courses $398, 又或者 4 courses ＄448
最後，我地每個人都叫左個3 courses 既set~
食野啦！首先打頭陣既系：
檸檬法包 （左）經過細細既咀嚼，清新既檸檬味慢慢由舌尖浸出來，不俗～
Bacon brioche (右）
濃郁既牛油味同肥而不膩既煙肉配合得天衣無繨！
呢度用黎揸麵包既牛油非常特別，厚厚的鋪左一層番茄粉，然後再倒入橄欖油和意大利黑醋。番茄粉酸酸地，幾開胃～ 跟住就到前菜啦～ 我地三個都揀左同一款
他他牛配溫泉鵪鶉蛋及火箭菜
他他牛肉好新鮮，而且份量好足料 溫泉雞蛋就食得多，溫泉鵪鶉蛋就真系第一次試，細細隻，蛋黃好juicy，好新鮮！跟住就上主菜啦！
香煎鹽醃鱈魚配面豉醬，蘆荀
我點呢個既時候，個waiter 一而再，再而三甘提我呢道菜會偏咸 食落去又真系頗咸，但系都可以接受到～ 條魚煎得熟左DD，D 肉有D鞋 D 蘆荀好幼嫩，夾埋條魚一齊食，yummy 大卷通粉配水牛芝士及雜箘
呢道菜份量驚人之餘，入面仲要塞滿芝士，好漏 上甜品啦！
Tosca chocolate box
吾好睇小呢個小盒子，切開睇，原來裡面既餡來頭不小架！ 有brandy mousse、白朱古力雪沙(sparkling white chocolate snow) 同埋brandy jelly! 真系名副其實既“小盒襟珍珠” ！裡面既餡料互相配合，味道甜而不膩，而且充滿好濃郁既可可味，果然不愧為餐廳既招牌甜品 吉士酥盒配雪梨及芝士蛋糕
系bk 既時候，佢會問你系咪系餐廳慶祝一D 特別既事，例如系wedding anniversary, birthday, etc.如個系既話，佢地可以系甜品個碟度加上一D你想講既祝福語，俾個驚喜客人～ 因為系小妹既生日，所以就系我個碟度寫上左happy birthday 同送上左一支蠟燭好有心思小妹好欣賞佢地既誠意，不過呢件野就認真麻麻～ 個酥盒太硬，入面吉士醬又吾夠濃，D 雪梨又冇咩味，唯一欣賞既反而系佢D芝士蛋糕！ 好creamy，又有好濃郁既芝士味，正！
總括黎講，呢間餐廳位於102樓，景觀開揚，令客人不會感到焗促，反而心曠神宜！ 而且佢採用左open kitchen, 提高烹調既透明度，令客人食得安心又放心！ 食物方面，大致上都屬中上既水準，只系有小小瑕疵，希望只系佢地一時失手啦！
Post
