Video
Read full review
2021-07-11
495 views
以泰國菜嚟講呢間真係貴，咁既價錢連鎖店都好食過佢。fushion菜會比較好食，但呢類型菜式同依家好多新餐廳、café差唔多，唔係好特別，淨係旺角都大把選擇。而最大問題係呢間鋪會不斷催你走，情況比茶餐廳仲離譜。當日我同fd book咗星期六晚6點，入坐時已經提咗2、3次90分鐘用餐時間，當時都覺正常。坐低落完order，啲菜就極速上晒，最後一碟仲要侍應開口叫我哋清咗枱上其中一碟俾佢擺。上得咁快，食物有幾新鮮可想而知。然後大概50分鐘，已經埋嚟話last order，呢下個心先愕一愕然，因為咁既做法係食放題先有。咁我同fd唯有加速食，最慘我嗌咗杯酒，咁急飲唔落。再過咗陣，侍應竟然嚟問啲菜使唔使打包，我哋話唔使，過5分鐘佢過嚟直接收碟，過程快到我反應唔到。到準備埋單嗰下，張枱乾淨到只差抹一抹，連杯水都無留低…走時我特登四圍望下，門口area仲有近10張枱無人，出到餐廳，唔好話排隊，連個reception都唔係到，反而對面餐廳個reception俾我哋嚇一嚇，好明顯呢度呢個鐘數(晚7點幾)幾間餐廳其實都無咩客。我fd仲話埋單時根本未夠90分鐘。間餐廳成個定位絕對唔係做低檔街坊生意，drink
當日我同fd book咗星期六晚6點，入坐時已經提咗2、3次90分鐘用餐時間，當時都覺正常。坐低落完order，啲菜就極速上晒，最後一碟仲要侍應開口叫我哋清咗枱上其中一碟俾佢擺。上得咁快，食物有幾新鮮可想而知。然後大概50分鐘，已經埋嚟話last order，呢下個心先愕一愕然，因為咁既做法係食放題先有。咁我同fd唯有加速食，最慘我嗌咗杯酒，咁急飲唔落。再過咗陣，侍應竟然嚟問啲菜使唔使打包，我哋話唔使，過5分鐘佢過嚟直接收碟，過程快到我反應唔到。到準備埋單嗰下，張枱乾淨到只差抹一抹，連杯水都無留低…走時我特登四圍望下，門口area仲有近10張枱無人，出到餐廳，唔好話排隊，連個reception都唔係到，反而對面餐廳個reception俾我哋嚇一嚇，好明顯呢度呢個鐘數(晚7點幾)幾間餐廳其實都無咩客。我fd仲話埋單時根本未夠90分鐘。
間餐廳成個定位絕對唔係做低檔街坊生意，drink list一大本咩酒都有，點睇都係俾人舒舒服服食飯gathering，佢亦未至於係間超級人氣餐廳，咁樣趕客真係blacklist得。
香煎帶子青檸蟹肉酥盒
$88
17 views
0 likes
0 comments
個酥盒食落好硬，似餅乾多啲，黑松露都蓋晒啲青檸味。
泰式沙嗲串燒拼盤
$108
14 views
0 likes
0 comments
街邊串燒質素，但咁既價錢真係…
蒲燒鰻魚配牛油果薄餅
$188
34 views
0 likes
0 comments
幾種材料都好夾，脆薄餅底唔膩，平衡得好好，可惜無時間食晒佢。
冬蔭功意大利飯伴照燒原隻筒魷
$168
21 views
0 likes
0 comments
魷魚都係街邊燒烤質素，但個飯好驚喜，無諗過冬蔭功味會夾risotto，呢個出面真係少見，又係可惜時間唔夠食淨一半。
左：巨峰味手工啤酒，右：柚子蘋果梳打
$5
12 views
0 likes
0 comments
酒$68：普通生啤，飲唔到有提子味。
梳打$50：無蘋果味，普通柚子汁。
Post
