燉 (Closed)

平時去荔枝角都係行商場～～次次都要諗食咩～～今次有新發現～係正地鐵站旁～勁方便！2個人叫左一個蟲草花蒸肉餅煲仔飯（$39）、魚肚排骨蒸飯（$29）～仲有2個湯：蘋果雪梨百合燉瘦肉（$48）、沙蔘玉竹燉瘦肉（$48），以及2個干貝蒸（$9/@）非常推介「蟲草花蒸肉餅煲仔飯」，首先呢個價錢好吸引，而且仲有蟲草花，而個肉餅充滿肉汁，肥瘦比例亦剛好！真係超喜歡～而「魚肚排骨蒸飯」份量對我們來說亦是剛剛好！排骨都幾多舊，很抵食！特別推介「蘋果雪梨百合燉瘦肉」，好甜，好入味！同埋飲完唔會覺得好口乾👍🏻總括，呢個價錢食到呢個質素的食物真係好抵呀！