味火鍋 (華僑商業中心)

上次去過尖沙咀分店味火鍋，覺得好抵食~ 知道旺角開埋分店當然唔好錯過啦~幾鐘意旺角店嘅裝飾，每個位都一卡卡，仲有幾間小房仔，如果一大班人嚟大邊爐更有私隱度，又唔怕嘈到人☺頭盤四選一今次揀咗酸菜魚，二人份量， 雖然主打邊爐但酸菜魚製作一啲都唔馬虎，魚量真係好多， 肉質嫩滑，配料都幾多，仲有幼幼薯粉。火鍋湯底揀咗鴛鴦鍋， 特濃喇沙海鮮鍋同四川麻辣鴨血鍋， 喇沙湯底 味道酸酸辣辣帶椰奶~ 麻辣湯底香而麻餐廳直接上咗海鮮拼盤同牛肉拼盤，份量都幾多， 海鮮拼盤有齊鮑魚、生蠔、 魷魚、海蝦等，值得一讚海蝦勁大隻肥美~牛肉拼盤 有封門柳、牛肩胛、牛小排 、牛板腱， 牛夠新鮮，味道濃，唔夠仲可以無限encore!仲有超過20 款火鍋配料，真係次次嚟都食到好飽！最後仲食埋雪糕先走！