Video
Read full review
2019-05-20
10284 views
我同老公食自助餐，最鍾意食生蠔有生蠔既自助餐，通常都要4百以上不過佐敦Novotel 喺25號以前，經官網訂位就可以3百幾蚊食到啦！性價比超高💕__________________________🔹「最愛三文魚」生蠔海鮮自助晚餐星期一至四7折優惠18:30 - 21:30優惠價: 成人港幣315／小童港幣157.5.星期五至日及公眾假期6折優惠首段：18:30 - 19:45次段：20:15 - 22:00優惠價: 成人港幣300／小童港幣150.另收加一服務費，按折扣價計算價錢非常實惠，建議閒日去食，可以坐足3個鐘，人都少啲餐廳規模較細，會無咁嘈拎野食又唔會好迫，更加唔使點排隊，生蠔同任攞無乜分別.官網話喺優惠期間，會提供即開蘇格蘭生蠔同豉汁炒荷蘭蟶子不過我地當晚重有愛爾蘭石蠔，每次去拎都會各有1隻，即開生蠔佢開得都幾快手，亦算洗得幾乾淨愛爾蘭蠔較甜，蘇格蘭蠔就海水味啲炒蟶子非常大隻，除左有手板咁長之外，肉亦好厚實，有兩隻手指咁闊豉汁味完全蓋唔過佢既鮮味，而且非常爽口.凍海鮮都幾多款式，而且密密refill，重會轉款長腳蟹，小龍蝦，青口，扇貝都唔錯但瀨尿蝦就霉霉地，唔推薦.依家主題係
有生蠔既自助餐，通常都要4百以上
不過佐敦Novotel 喺25號以前，經官網訂位
就可以3百幾蚊食到啦！
性價比超高💕
__________________________
🔹「最愛三文魚」生蠔海鮮自助晚餐星期一至四7折優惠
18:30 - 21:30
優惠價: 成人港幣315／小童港幣157.5
.
星期五至日及公眾假期6折優惠
首段：18:30 - 19:45
次段：20:15 - 22:00
優惠價: 成人港幣300／小童港幣150
.
另收加一服務費，按折扣價計算
價錢非常實惠，建議閒日去食，可以坐足3個鐘，人都少啲
餐廳規模較細，會無咁嘈
拎野食又唔會好迫，更加唔使點排隊，生蠔同任攞無乜分別
.
官網話喺優惠期間，會提供即開蘇格蘭生蠔同豉汁炒荷蘭蟶子
不過我地當晚重有愛爾蘭石蠔，每次去拎都會各有1隻，即開生蠔佢開得都幾快手，亦算洗得幾乾淨
愛爾蘭蠔較甜，蘇格蘭蠔就海水味啲
炒蟶子非常大隻，除左有手板咁長之外，肉亦好厚實，有兩隻手指咁闊
豉汁味完全蓋唔過佢既鮮味，而且非常爽口
.
凍海鮮都幾多款式，而且密密refill，重會轉款
長腳蟹，小龍蝦，青口，扇貝都唔錯
但瀨尿蝦就霉霉地，唔推薦
.
依家主題係三文魚，利用三文魚整左好多唔同款式既野食
有小型三文魚親子飯，泡菜飯
煙燻三文魚都有三款唔同國家
熟食有椒鹽三文魚骨
連甜品都有兩款：
紅菜頭慕斯配煙燻三文魚杯，杯底係奶凍
牛油果慕斯配煙燻三文魚杯，杯底係生果
.
最後當然唔少得刺身
不過可能人手唔夠，刺身唔係師傅即切
係切好放喺冰上面，衛生程度較低
我只係喺拎出黎最新鮮既時候食左1輪
.
生果都好鮮甜，推薦西瓜同菠蘿，都又甜又多汁
甜品款式都唔少，但就麻麻地
不如去食多幾球Häagen-Dazs，重有朱古力碎，彩針任落
Post
