Video
Read full review
2017-12-17
741 views
四季文昌，呢4個字你會諗起d乜？點諗應該都諗唔到，佢係一間Bar + 火煱餐廳啦又潮又文青既室內環境，由入門口開始就有種好舒服既感覺，餐廳用投影機播住廣東歌+K pop既歌及MV，食住餐廳最新推出既冬日套餐，真係驚喜處處，絕對係一個打邊爐既新體驗由正門沿樓梯上餐廳，從環境已經感受到佢既用心設計，有種溫暖舒服文青feel，絕對係一個打卡位入到黎餐廳，只係個環境都已經幾驚喜因為第一感係，餐廳一路播住eason既歌，個環境又好chill，燈光又暗暗地，真係搞到我好肚餓不過重點係，見到餐廳最新推出左一個冬日限定既火鍋套餐，有2-3人份量/6-8人份量，不過2-3人份量既內容都已經好豐富! 當2個人食，除返個價錢都係唔洗每人$250 ! 一定食到你飽之餘，惠顧呢個餐，餐廳重會送你一份神秘既聖誕禮物添 真係又滿足，又有好溫暖既聖誕氣紛!宜家就即同大家介紹下呢個套餐既內容啦第一樣要先介紹既就係呢個套餐其中一個主打，佢就係 : 原味椰子文昌雞 (半隻) !! 佢唔係一個湯底黎既，而係一個主配料之一，但作為第一道既配料落鍋，呢隻雞真係冇得頂! 因為當中既椰子及椰子水非常清甜，食佢亦都有一定既程序，非常講
由正門沿樓梯上餐廳，從環境已經感受到佢既用心設計，有種溫暖舒服文青feel，絕對係一個打卡位
入到黎餐廳，只係個環境都已經幾驚喜因為第一感係，餐廳一路播住eason既歌，個環境又好chill，燈光又暗暗地，真係搞到我好肚餓
不過重點係，見到餐廳最新推出左一個冬日限定既火鍋套餐，有2-3人份量/6-8人份量，不過2-3人份量既內容都已經好豐富! 當2個人食，除返個價錢都係唔洗每人$250 ! 一定食到你飽之餘，惠顧呢個餐，餐廳重會送你一份神秘既聖誕禮物添 真係又滿足，又有好溫暖既聖誕氣紛!
12 views
0 likes
0 comments
宜家就即同大家介紹下呢個套餐既內容啦
第一樣要先介紹既就係呢個套餐其中一個主打，佢就係 : 原味椰子文昌雞 (半隻) !! 佢唔係一個湯底黎既，而係一個主配料之一，但作為第一道既配料落鍋，呢隻雞真係冇得頂! 因為當中既椰子及椰子水非常清甜，食佢亦都有一定既程序，非常講究! 隻雞黎到之後，店員會幫手用枱面既沙漏計時，煮呢隻雞只需係指定所需時間內，因為咁先確保隻雞唔會煮過火，成個鍋都係火喉之中
7 views
0 likes
0 comments
果然!! 時間到左，一打開個鍋就聞到非常香既椰子味 !!湯仍然清澈唔油膩，絕對同平時阿媽煲既果D雞湯冇咩分別，真係要飲多幾啖 !!雞件食落非常嫩滑，明顯食得出時間真係控制得岩岩好，總括而言真係清甜滋潤啖啖肉!!
7 views
0 likes
0 comments
(左) 小食: 海南沙薑脆豬手
呢個其實可以講係呢個套餐既小食黎，非常特別佢爽口彈牙，肉質唔"UN"，一共有6大舊，每舊都沾有沙薑，骨膠原豐富，女士及上左年紀既朋友一定喜歡
(右) 小食2 : 三文魚刺身
我都視佢為一款小食之一，因為佢既數量係每人4塊 (食左4塊先記得影)，係餐廳由加拿大直送的三文魚黎，每塊都真係幾新鮮架
8 views
0 likes
0 comments
今晚小編同友人決定食好d又食豪d所以額外加左呢個 $188 雪濃牛骨湯配牛肉拼盤圖中所見既就係雪濃牛骨湯，其實差唔多食完隻雞既時候，正常店員會為你加普通既湯，不過如果你額外加左好似呢個禁，當然就會加呢個湯啦
非常香濃既牛肉味及精髓，完全係為食黎緊既上等牛肉做準備
4 views
0 likes
0 comments
再先為大家介紹套餐入面既一D精髓先!
左上方: 海南手工丸
分別有2款丸，白色果隻丸係墨魚丸，非常爽口彈牙，就算放落鍋度煮熟後，上面既蟹子都重係度，好正另外灰色果隻係貢丸，每粒入面都包有唔少香菇，所以每粒都好好味，好有口感
左下方: 健康野菜籃
呢個籃特別要加分既真係因為佢一D都唔馬虎，唔只一種蔬菜及好新鮮之餘，佢既份量亦好多！
中下: 養生菇菌籃
同樣禁正！因為。。。有小編打邊爐最like既菇！就係雞脾菇啦
右上，下: 日本稻庭烏冬
從口感，麵質，味道可知呢隻係相對貴價既烏冬黎，本身就已經有非一般既質素不過重勁既係，由於烏冬完全吸收曬湯底既精華及味道！所以變得更加好味
都要特別讚一讚既係，由椰子雞湯，再到加入雪濃牛骨湯，整個湯底都係重點，都係非常好味，所以直接令到所有食材都好好味
2 views
0 likes
0 comments
第一個牛會係跟餐既安格斯牛小排 (小)，顏色雪白，脂肪分佈平均，涮一涮就食得，口感入口即溶，總之高質！真係跟餐既都已經好正！
3 views
0 likes
0 comments
真係沒有最豪，只有更豪今晚另外都係額外加添既食物之一，日本山形A5和牛肉眼 $398頭先既安格斯已經無得頂，但呢個真係不得了，確實係正宗一分錢一分貨！
超大塊既和牛肉眼，脂肪分佈平均，顏色鮮豔，相當新鮮涮一涮就食得！就算熟左，佢都唔會嚴重縮水，口感一絕呀！
4 views
0 likes
0 comments
佢就係雪濃牛骨湯所配既牛肉拼盤，當中同時包括油脂鮮美既黑毛和牛肩胛肉及爽到不得了既加拿大牛舌
6 views
0 likes
0 comments
野食就介紹完啦！係咪好正先不過飲品方面，其實餐廳既選擇有好多，甚至有酒精類既添不過小編真係要高度推介椰青比大家！佢係椰青，非椰皇由於餐廳由海南島嚴選直送椰青到港，所以佢係甜到不得了，真係非常清甜！
果種甜絕對唔糖水 / 果糖既果d甜，係真係椰青水既果d清甜真係用黎配合打邊爐，又可以無禁熱氣，又解渴！
最後最後，原來套餐果份神祕既聖誕禮物就係佢佢係四季文昌自家製既名信片及一套調味罐有聖誕氣紛得黎又實用，都幾有驚喜既
所以，呢個冬日套餐確實真係值得一試，打一次邊爐係有驚喜，有新體驗，又溫暖窩心，最緊要係好好食既 (記得卜位呀！)
Post
