Video
Read full review
2024-04-12
77 views
今日同朋友嚟旺角星際睇相機，睇完行到女人街開始肚餓，見到有間串燒店叫三人行咁得意，就入去睇。估唔到一開門就見到一個櫥窗裝滿各種動漫Figure！嘩，個個都係我嘅心頭好！有火影、數碼暴龍、咒術！我哋行入去坐低，估唔到隔離又係一排龍珠Figure，睇嚟老闆同我一樣，都係一個性情中人！串燒平均十幾蚊一串，個價錢都相當平民！❤️❤️❤️特別推薦：芝士雞肉墨西哥薄餅 $44墨西哥薄餅皮又薄又脆，芝士餡料好足，一啖咬落去，芝士爆漿出嚟，同埋應該加咗啲紅椒，少少辣，整體更加惹味！❤️❤️❤️ 燒饅頭饅頭燒得好好，咬落去好脆，外脆內軟，好有空氣感🥰❤️❤️串燒由左至右排列：安格斯牛肋串、豬頸肉串、西班牙黑毛豬肋串、五花腩、雞胸軟骨 2串❤️❤️串燒由左至右排列：香草羊架、牛柳串、雞中翼2隻、金菇肥牛卷整體上，肉質好嫩滑，火候控制得好好，冇太多其他調味料去搶味，只係簡單地保留食材嘅原汁原味❤️❤️❤️煙肉燒蠔燒蠔和煙肉嘅配搭組合比較少見，特登試一試，不過兩個味道擺一齊，煙肉有少少搶咗味，但整體味道唔錯，食得出個蠔係好新鮮！總結：成間店舖嘅布設都好有心思，食食吓飯抬頭望周圍都係動漫人物陪住食飯，就算一個人嚟，都唔使驚悶！
估唔到一開門就見到一個櫥窗裝滿各種動漫Figure！
嘩，個個都係我嘅心頭好！
有火影、數碼暴龍、咒術！
我哋行入去坐低，估唔到隔離又係一排龍珠Figure，睇嚟老闆同我一樣，都係一個性情中人！
串燒平均十幾蚊一串，個價錢都相當平民！
❤️❤️❤️特別推薦：芝士雞肉墨西哥薄餅 $44
墨西哥薄餅皮又薄又脆，芝士餡料好足，一啖咬落去，芝士爆漿出嚟，同埋應該加咗啲紅椒，少少辣，整體更加惹味！
❤️❤️❤️ 燒饅頭
饅頭燒得好好，咬落去好脆，外脆內軟，好有空氣感🥰
❤️❤️串燒
由左至右排列：
安格斯牛肋串、豬頸肉串、西班牙黑毛豬肋串、五花腩、雞胸軟骨 2串
❤️❤️串燒
由左至右排列：
香草羊架、牛柳串、雞中翼2隻、金菇肥牛卷
整體上，肉質好嫩滑，火候控制得好好，冇太多其他調味料去搶味，只係簡單地保留食材嘅原汁原味❤️
❤️❤️煙肉燒蠔
燒蠔和煙肉嘅配搭組合比較少見，特登試一試，不過兩個味道擺一齊，煙肉有少少搶咗味，但整體味道唔錯，食得出個蠔係好新鮮！
總結：成間店舖嘅布設都好有心思，食食吓飯抬頭望周圍都係動漫人物陪住食飯，就算一個人嚟，都唔使驚悶！
Post
