十一串

Open Now

Now Closed

咁岩同男朋友去佐敦交收，當然要發掘下新野食。佐敦岀名多辣野小店。今日經過呢間小店專食串燒個，入面店內細細，坐得四五張枱，繁忙時間應該好full!好彩我地去咁岩有位! Meun 有好多選擇，仲有得燒海鮮，我哋要咗蒜蓉燒聖子聖子大大條好肥美上面佈滿蒜蓉，好惹味，重點係蒜蓉唔會掩蓋左聖子嘅鮮味，都只係$58,價錢一啲都唔算貴！另一推介嘅係原條蒜蓉燒茄子，呢個配搭真係冇得輸，茄子大大條，好有份量，正！重點左我自愛蒲燒鰻魚串，店主都毫不吝嗇，有五舊大鰻魚，肥美多汁！其他分別點左大路串燒小食，有椒鹽雞軟骨，燒雞泡魚，燒韭菜等，最緊要係配上啤酒，真係人生享受！啱晒一班朋友聚會！店主都好好，溫馨提示小店只有一人幫手繁忙時間需要耐心等候。價錢好親民，值得再去！