野郎Stone (Closed)

講左好耐想試呢間，今日終於出左尖咀試。佢係好似日本鋪頭咁，係出面先買飛，再入店，而且每人必須叫一乒牛扒。齋睇店面無乜特別，甚至會覺得伏伏地，因為好似街邊檔咁既感覺。我地揀左200g牛肋間橫膜同300g板腱，買完飛入去坐，鋪頭好細，同埋其實抽油煙設備做得唔夠好。牛肉用熱石上，侍應都有無牛上面蓋廚房紙以免彈到周圍都係。啲牛肉肉質好好，好香牛肉味，亦好嫩。咁既價錢係香港食到呢種牛肉，可以話cp值十分高，而且仲可以自己控制要幾熟添。侍應有介紹燒肉汁等等既調味料，但係講真，佢呢啲齋落啲鹽已經好好食。