Mad for Garlic (Closed)

行奧海城，係依度美食當然多啦，我今次就嚟咗呢一間食。首先，我就叫咗個二人餐，同埋加咗牛扒。開始，就有個沙律，佢同其他唔同，其他會有提子，佢全部都係炸香嘅蒜片，你完全食都係一碟美味嘅沙律。另外，呢個蟹肉麵夠哂多汁，令人好喜歡。佢除咗有蟹肉絲，仲有一嚿嚿好爽口嘅蟹肉，佢仲幫你去埋蟹殼，簡直係食落口啖啖肉，絕對唔會令到個麵同蟹肉太乾，撈埋真係相當唔錯。甜品都幾特別，用手指餅去俾你自己調較份量，好似小朋友整野食咁，都幾好玩咖。之後就要講下杯嘢飲，我就建議嘢飲可以兩個一齊飲，因為我個杯嘢飲，係十分之大杯。另外，依度嘅環境10分浪漫，可以約埋你嘅伴侶一齊談心，係一個十分之恰當嘅地方。