顏府御膳 (Closed)

顏府御膳一向是小妹鍾情的粵菜館，疫情好轉，是三五知己聚會的時候，立即起行，出發開餐！餐廳地方骨子，座位不多，鮮有粵式中菜選用紅色水晶燈，fusion 味濃！有廂房，有需要可以預訂！餐前小食是琥珀合桃，香脆可口，質地鬆化，高質的小食！👍👍是夜的精選晚餐，小菜三幾道，食過不亦樂乎！青瓜海蜇頭，海蜇頭質地軟滑如雪耳，好好食。因好多時食到的，都比較硬，這客甚有驚喜！青瓜爽脆，酸醋汁味道適中，很好！蒜泥雲片白肉，醬汁蒜味濃郁，久久不散！白肉肉質不嚡，不肥膩，吸滿了惹味蒜汁，正！鳳梨咕嚕肉伴炸雲吞，咕嚕肉質地軟熟有咬口，糖醋菠蘿🍍夠香甜，草莓🍓香中帶酸，雲吞皮炸得香口！附有瓶裝甜酸汁，配搭雲吞，有玩味！貴妃香芒蝦球，蝦球去殼抵讚，蝦球大大隻，啖啖肉。砂鍋濃湯魚肚大芥菜，湯底鮮濃，金黃色的！十月正好是芥菜當做，正好入饌！魚肚軟腍走腥，吸滿濃湯的魚肚，好味道！大家言談甚歡，轉眼又到結賬時，期待下次再聚！