街頭火鍋

Open Now

Now Closed

👨🏻DADDY生日，本身諗住帶佢去食日本嘢，但佢話麻麻哋食魚生寧願打邊爐，最後就決定嚟呢間銅鑼灣都幾出名嘅街頭火鍋。👨🏻DADDY最鍾意食牛，揀咗呢個超高級嘅牛王莫六盛合，價錢方面係 $398。不過食物質素CP值好高，佢有齊晒六隻唔同嘅牛肉，本地頂級牛頸脊，抓邊，金錢展，牛胸爽，封門柳，黑柏葉。DADDY話啲牛幾正，我自己識落都覺得牛肉味道好濃郁。湯底方面就揀咗呢個豬什豬骨煲，呢個真係好推介，除咗湯底好濃郁之外，都係10分足料，入面啲配料多到食完都夠晒飽。仲有唔少得梗係我最鍾意嘅海鮮！超級鍾意食佢哋嘅花甲，食落勁鮮甜！另外仲有頂級蟹棒，味道都唔錯。