Video
Read full review
2014-06-28
10308 views
今日我地三個女人一個墟都要黎潮潮聖，拜會呢個台灣黎既「名媛」。台灣Honey Toast既始祖已經進駐香港The One商場，一上到去三樓就見到約廿幾人o係門口排隊，餐廳外圍佈置到好似歐洲街頭咁既小屋Cafe，感覺休閒捨意。而且，四處都見到個個高貴既「名媛」logo，包括招牌同menu難怪我地都見到都有唔少女仔著到鬼火咁靚黎做個甜妞兒。餐廳佈置高檔時尚，天花掛有大型吊燈，我地坐個個房地上放滿小盤栽，感覺特別清新，期間仲見到好似老闆娘既人o係度擔大旗，認真設計環境佈置中。餐廳座位舒服，梳化座位放有主題cushion，空間感足夠，當然滿佈女仔既地方係有多d聲音，但好想講這餐廳係好好傾既地方。呢間餐廳規定無論你有無另點食物，每位客人都必須order一杯飲品，變相最低消費$3X，smart move*我點呢杯係奇異果茶，味道清新，有粒粒果肉，唔會話落好多糖水好假好甜，而係味道天然。Club Sandwich一分三件，岩岩夠我地一人一件。個法包有稍稍烘過，脆脆地，包住爽脆既生菜，豐滑既蛋同火腿，好正。中間放左一球凍薯容同蕃茄青瓜，味道清淡，調味好多加d。辣雞肉意粉份量黎夠我覺得偏細，雖然無見到辣
台灣Honey Toast既始祖已經進駐香港The One商場，
一上到去三樓就見到約廿幾人o係門口排隊，
餐廳外圍佈置到好似歐洲街頭咁既小屋Cafe，感覺休閒捨意。
而且，四處都見到個個高貴既「名媛」logo，包括招牌同menu難怪我地都見到都有唔少女仔著到鬼火咁靚黎做個甜妞兒。
餐廳佈置高檔時尚，天花掛有大型吊燈，我地坐個個房地上放滿小盤栽，感覺特別清新，期間仲見到好似老闆娘既人o係度擔大旗，認真設計環境佈置中。
餐廳座位舒服，梳化座位放有主題cushion，空間感足夠，當然滿佈女仔既地方係有多d聲音，但好想講這餐廳係好好傾既地方。
呢間餐廳規定無論你有無另點食物，每位客人都必須order一杯飲品，變相最低消費$3X，smart move*我點呢杯係奇異果茶，味道清新，有粒粒果肉，唔會話落好多糖水好假好甜，而係味道天然。
Club Sandwich一分三件，岩岩夠我地一人一件。個法包有稍稍烘過，脆脆地，
包住爽脆既生菜，豐滑既蛋同火腿，好正。
中間放左一球凍薯容同蕃茄青瓜，味道清淡，調味好多加d。
辣雞肉意粉份量黎夠我覺得偏細，
雖然無見到辣椒，但食落仍然刺激，愈食愈上癮。
蘑姑好甜，後悔無叫個個cream mushroom意粉。
Classic Waffle係主要cream加vanilla雪糕Waffle底好似雞蛋仔，好食個隻，
真係外面脆，入面軟，仲充滿蛋香。
略嫌球雪糕細左d，因為食
剩兩件時已經無曬(已經好克制自己lol)
黎到主角啦Party in your Mouth，成件藝術品咁閃耀登場，除左「好鬼靚」，真係無其他更適合既形容詞去形容！
店員可能知港女特質都係相機食先，所以好友善叫我地盡情影，影飽先叫佢過黎，
又主動請纓幫我地影合照，女店員MAY服務態度一流，又有笑容。
＊呢度有d店員係台灣直接入口，所以大家要準備講煲冬瓜啦LOL
店員講解時認真用心，令我了解廚師希望客人真正既食法。1)先拎下所有水果同馬卡龍
2)從一邊界開成個包
3)取出6件honey toast其中一件
4)擦上custard同雪糕
5)最後隨喜好落水果或加蜜糖
Honey Toast 甜度岩岩好，加埋吉士醬同雪糕，在你口中開party，
真係一個好好既食品名稱，所有美妙既感覺在口中爆發，
toast既脆軟，加雪糕既冷滑，草莓既清新感，吉士醬既充足，
這個party開心過蘭桂芳既dancing party，哈，神級始祖既魔力！
餐廳7月底才正式開張，宜家係試業期，有特別既時間營運，
要拎籌要等要有耐性，但成個經驗都好愉悅，好開心做了甜妞兒一個晚上。
Post
