皇室盛宴 (Closed)

已經來過royal feast食lunch幾次，每一次都食得好開心，每份lunch都總給予我一種delightful既感覺，今日個湯絕對係一個新賣點，竟然係用平時飲既麥精去整左個麥精湯，同事聽到都呆一呆，究竟麥精既湯會係什麼味道？答案係香滑之餘又帶少少甜，麥味比較濃，唔太似飲緊麥精，口感非常好，很好飲，同事都讚不絕口，亦體現出廚師的心思同非凡創意！主菜食海虎蝦，是我很喜歡既主菜，每次來呢到都係點蝦食既原因係廚師燒蝦時會加入自家制既紅椒粉，不會太辣而且帶點甜味，亦會為隻蝦帶來少許煙燻味，香口之餘亦令賣相更加吸引，美味無窮！甜品就轉左做馬卡龍，又係自家制，味道okay易入口，有酒店既水準。