Fuze Bar

Open Now

Now Closed

呢間好推介俾一大班朋友過嚟飲酒，雖然佢嘅地區位置比較旺，喺蘭桂坊嘅樓上，但係如果大家唔鍾意蘭桂坊咁嘈而且咁多人嘅環境，大家可以上呢間bar，環境幾大而且可以包房，有啲日子仲有DJ添，仲有酒桌遊戲，想玩到通頂都冇問題😆叫咗兩杯Cocktail，一杯甜一杯酸，因為都係叫店員推介俾我哋，所以兩杯都幾鍾意，酸酸哋個杯飲落去好Fresh，女仔應該會幾鍾意，而且飲飲下你會發覺越來越多，因為沙冰慢慢溶，慢慢亦都會多番一杯🤣👍🏻好抵飲。而另外一杯係苺味，味道唔會好藥水味，甜得來易入口，酒精味亦都唔會太重。最尾飲飲下就真係覺得太肚餓，叫咗款pizza，都唔知係因為自己太肚餓定真係太好食，因為佢哋嘅餅底好香口，而且芝士味好濃（五重芝士）所以我自己一個女仔食晒成餅都覺得唔夠喉😗