Video
Read full review
2022-10-12
355 views
朋友係要見㗎！但因為真係好忙嘅關係，所以搵左閒日夜晚聚餐。星期二既晚上，去咗將軍澳近海嘅新屋苑探朋友，行左一陣Donki。而作為一個Foodie，即刻搜尋附近有咩美食，搵到一間幾chill 既Bar, 食西餐！餐牌上有好多唔同嘅選擇，包括扒類，意粉類。但近排食得太多餐，所以睇住荷包嘅關係，我哋就放棄咗食扒。1. Fish & Chips一上枱見到勁大塊魚柳，仲要係有兩塊！咬落去係好脆口，脆皮同肉之間係會有一個油香，鱈魚肉非常之滑。同埋可能師傅嘅功架，切開塊魚柳嘅時候，唔會好易散，每啖食落去都好有口感。除咗茄汁同沙律醬之外，多咗一個青草醬。非常唔錯～2. Beef Burger with Chips待應落單嘅時候會問你漢堡牛扒要幾多成熟，可以揀3成熟，半熟⋯我印象中唔會係間間餐廳都做到呢個安排。我地叫左要medium rare 的牛肉，上檯時候係跟返我哋嘅要求。中間仲有塊好香既芝士，完全融係牛肉上面，滿足我邪惡既願望。另外讚係啲薯條，勁厚勁大條嗰一隻，唔係幼薯條！食落去好多薯蓉，有咬口，炸出黎又香口，小編好鍾意食！餐牌有飲品揀，但因為小編陣間再上朋友屋企飲下野，所以冇叫到。但睇到唔少嘅人
但因為真係好忙嘅關係，所以搵左閒日夜晚聚餐。星期二既晚上，去咗將軍澳近海嘅新屋苑探朋友，行左一陣Donki。而作為一個Foodie，即刻搜尋附近有咩美食，搵到一間幾chill 既Bar, 食西餐！
餐牌上有好多唔同嘅選擇，包括扒類，意粉類。但近排食得太多餐，所以睇住荷包嘅關係，我哋就放棄咗食扒。
1. Fish & Chips
一上枱見到勁大塊魚柳，仲要係有兩塊！咬落去係好脆口，脆皮同肉之間係會有一個油香，鱈魚肉非常之滑。同埋可能師傅嘅功架，切開塊魚柳嘅時候，唔會好易散，每啖食落去都好有口感。除咗茄汁同沙律醬之外，多咗一個青草醬。非常唔錯～
2. Beef Burger with Chips
待應落單嘅時候會問你漢堡牛扒要幾多成熟，可以揀3成熟，半熟⋯我印象中唔會係間間餐廳都做到呢個安排。我地叫左要medium rare 的牛肉，上檯時候係跟返我哋嘅要求。中間仲有塊好香既芝士，完全融係牛肉上面，滿足我邪惡既願望。
另外讚係啲薯條，勁厚勁大條嗰一隻，唔係幼薯條！食落去好多薯蓉，有咬口，炸出黎又香口，小編好鍾意食！
餐牌有飲品揀，但因為小編陣間再上朋友屋企飲下野，所以冇叫到。但睇到唔少嘅人士都會喺度叫一杯嘢，摸下杯底放鬆chill 下。
餐廳閒日晚上唔算太爆，見到有家庭聚餐，見到有人飲嘢，就算我哋埋單差唔多九點幾，都仲有人入嚟食嘢下野。外籍嘅客人唔少，應該啱佢哋口味。埋單每人$200有找，晚餐+環境黎講叫幾唔錯。
味道: 9/10
服務: 8/10
環境: 9/10
性價比: 8/10
Post
