赤葉日本料理 (Closed)

餓底今晚來教育路附近的赤葉試下😌皆·盛合：擺盤好精美！總共六件壽司、四件刺身＆一杯魷魚‘麵’，首先吃刺身，夠新鮮夠肥美，魷魚扮'麵'以cocktail 杯上枱幾別緻，而且有好多條，壽司細細件容易食，醋飯有色水，原來是加了赤醋，更添風味，餓底頗喜歡！炸蝦天婦羅：哦？第一次見炸蝦天婦羅上埋炸蝦頭！炸蝦賣相勁似兒時看日本卡通片入面的天婦羅，食落炸粉不厚，蝦肉飽滿，幾好！食蝦頭，好脆好脆，後悔無叫杯酒添，下酒一流！芝士牛油果軟殼蟹手卷：赤醋飯夠風味，牛油果軟，軟殼蟹及蟹籽脆，芝士燒至微焦，多重口味在口中釋放，欲罷不能。日式牛肉壽起燒，加烏冬：想吃個熱鍋，於是叫了這個，好足料好豐富，牛肉份量也毫不嗇色，最抵是加少少錢有個烏冬，唔係頹烏冬，係手打既口感，食完好飽好滿足！