芽莊越式料理 (Closed)

今日跟去年暑假的 intern 同事食飯，好耐無見喇。大家都想食越南菜，係灣仔我覺得芽莊最好。認識芽莊因為以前係中環工作時同事介紹的，午飯時間真係好多人，灣仔店的情況無咁嚴重。記得幾個月前見到隔離檯order的燒牛肉撈朦，牛肉大大舊又好香，印象深刻，所以今日就叫黎試下。朋友仔話想食沙律就發版叫了一個大蝦柚子沙律。1. 大蝦柚子沙律 – 兩隻蝦烤得好靚，食落蝦頭有膏，柚子唔酸，好多好多炸過的蒜片，蒜味唔大可以接受，配上腰果，有咬口又好味。2. 燒牛肉撈朦 – 牛肉兩大串，好香lemon grass味，食落仲有一絲絲的香茅，撈朦的配料好足有青瓜絲、甘荀絲、生菜絲、炸過的蒜片，汁料用樽另上，個樽幾靚而且乾淨，要讚下。點菜時聞到隔離檯的牛肉湯河，香濃的牛骨湯味又突然諗起佢的蒜蓉飽都好好味，好想食呀，不過見好瘦的朋友仔無咩興趣，自己都算減緊肥所以放棄了。臨走時見到牆上的海報，佢地係Ocean Terminal開左新鋪呀。雖然Rice Paper都好味，不過始終有少少fusion的味道而且若貴，以家係TST想食越南菜又多一個選擇喇。