Fûhn Express (Closed)

睇完戲，諗住喺Food court搵嘢食。可能已經食厭咗其他西式同日式野，所以大家見到呢間越南菜都好有興趣。一行三人，總共嗌咗兩碗湯粉同三個小食。特式牛湯粉鍾意食牛嘅一定唔可以錯過。越式牛湯粉一定唔少得有生牛肉，拎到埋位仲係半生熟，浸湯食啱啱好，而且食落肉質鮮嫩，非常可口。牛坑腩同埋牛腩邊亦都唔錯。另外牛湯粉入面仲有牛丸、牛柏葉等等。特色雞絲湯粉 兩款湯粉嘅份量都偏大，一個人真係未必食得曬。 雞絲湯粉有手撕雞、鵪鶉蛋同埋手打雞肉丸。越式手打炸蝦餅小食都係即制嘅， 炸蝦餅外皮炸得香脆，入面就好彈牙。越式扎肉串 + 越式炸牛油雞翼扎肉串嘅外皮好香脆而入面嘅浴液加入咗香料食落好有風味。雞翼炸得好香脆，好香牛油味，而且外皮放滿咗蒜片，食落好惹味。