嚐館 (Closed)

今日去黃大仙中心到行街買年貨，到食飯時間見到呢間嚐館餐牌有好多唔同菜式選擇就入左去試下，店員們都好熱情招待，坐位又夠闊落。🥢法國小牛柳（6安士）配大虎蝦 跟餐仲有一個好濃郁蕃茄味嘅羅宋湯，牛油麵包同新鮮沙律👍🏻小牛柳擺盤好靚,茶餐廳都食到儀式感😆小牛柳又幾驚喜，肉質軟腍，幾塊都好厚切，蝦肉彈牙，伴碟薯仔都炸得好好味。🥢海鮮雜菜粉絲煲粉絲煲湯底好清甜，有啲冬瓜盅個種味道，海鮮有好多細蜆仔魷魚，雜菜有節瓜、木耳、西蘭花同冬菇，份量都幾多下，唔錯👍🏻見餐牌仲有好多選擇下次想試下其他獲氣小炒😋