Video
Read full review
2024-04-24
95 views
📌 Seoulmate - 將軍澳澳南海岸唐俊街23號MONTEREY Place 地下G25B-G26A號舖🗓(20/4) 星期六 ⏰ 下午1點左右 💈特式：蘇眉唔係魚，係一間環境一流，食物有創意，混合中西日韓文化的cafe，今日放假去到將軍澳行下，見到呢間門面同店內裝修都好精緻嘅cafe，就係佢度食個brunch。🥩🍔🌭🌮🥗🥯🥘🍲🍝🍣🥟🍤🍱食物：雖然餐廳係韓式cafe，但食物種類好多，而且外型十分有創意，不少食物仲蘊含多國元素，而家等我同大家講下🇰🇷味道先。😠🗻煙霧瀰漫烏卒卒火山章魚蟹肉明太子炒飯 $1️⃣6️⃣8️⃣ - 打開menu見到呢個烏卒卒憤怒樣火山，真係好可愛，但係落order就有d困難，因為佢個名真係好長🤣。上枱時係會有個煙燻罩冚住，焗住d煙燻味係入面，一打開真係同個名一樣咁「煙霧彌漫」，個憤怒火身身係用蛋白焗製，上面有隻日本生雞蛋，火山內部就係章魚蟹肉明太子炒製嘅炒飯，飯底都幾乾身同炒得香，幾款材料之間嘅配搭亦都幾夾，推薦。🐱👂香煎北海道帶子海鮮龍蝦汁貓耳朵 $1️⃣6️⃣8️⃣ - 另一個主菜就揀咗呢個龍蝦汁貓耳朵，平時貓耳朵意粉都唔多地方有得食，所以就係眾多選擇中揀左佢，
🗓(20/4) 星期六 ⏰ 下午1點左右
💈特式：蘇眉唔係魚，係一間環境一流，食物有創意，混合中西日韓文化的cafe，今日放假去到將軍澳行下，見到呢間門面同店內裝修都好精緻嘅cafe，就係佢度食個brunch。
🥩🍔🌭🌮🥗🥯🥘🍲🍝🍣🥟🍤🍱
食物：雖然餐廳係韓式cafe，但食物種類好多，而且外型十分有創意，不少食物仲蘊含多國元素，而家等我同大家講下🇰🇷味道先。
😠🗻煙霧瀰漫烏卒卒火山章魚蟹肉明太子炒飯 $1️⃣6️⃣8️⃣ - 打開menu見到呢個烏卒卒憤怒樣火山，真係好可愛，但係落order就有d困難，因為佢個名真係好長🤣。
上枱時係會有個煙燻罩冚住，焗住d煙燻味係入面，一打開真係同個名一樣咁「煙霧彌漫」，個憤怒火身身係用蛋白焗製，上面有隻日本生雞蛋，火山內部就係章魚蟹肉明太子炒製嘅炒飯，飯底都幾乾身同炒得香，幾款材料之間嘅配搭亦都幾夾，推薦。
煙霧瀰漫烏卒卒火山章魚蟹肉明太子炒飯
$168
17 views
0 likes
0 comments
煙霧瀰漫烏卒卒火山章魚蟹肉明太子炒飯
$168
8 views
0 likes
0 comments
🐱👂香煎北海道帶子海鮮龍蝦汁貓耳朵 $1️⃣6️⃣8️⃣ - 另一個主菜就揀咗呢個龍蝦汁貓耳朵，平時貓耳朵意粉都唔多地方有得食，所以就係眾多選擇中揀左佢，佢地個海鮮龍蝦汁非常香濃，貓耳朵質地煙靭之外亦剛剛好做到掛汁作用，兩者相得益彰，除左厚肉又新鮮嘅北海道帶子，仲有蝦/蜆/魷魚，整體好高質。
香煎北海道帶子海鮮龍蝦汁貓耳朵
$168
11 views
0 likes
0 comments
🥚五味玉子燒 $9️⃣8️⃣ - 仲叫左個小食玉子燒，共有五串唔同口味，望上menu就話有芝士/煙蘋果醬/明太子醬/青芥末酸奶醬/神秘醬共五種口味，但有一兩條我都搞唔清係咩味道，不過每款都同玉子燒好夾，唔通玉子燒真係可以咁百搭？歡迎大家自己嚟挑戰下自己個味蕾。
五味玉子燒
$98
2 views
0 likes
0 comments
🍰馬卡龍甜品拼盤 $1️⃣4️⃣8️⃣ - 個甜品拼盤真係應有盡有，除咗馬卡龍之外，仲有雲呢拿雪糕/焦糖香蕉/朱古力榛子蛋糕/韓國米酒制提拉米蘇，再加上生果及棉花伴碟，一次過可以食到多款不同嘅出色甜品，而且視覺效果十分靚，色彩繽紛，好似欣賞緊一件藝術品感嘅感覺。
馬卡龍甜品拼盤
$148
6 views
0 likes
0 comments
☕️🍵🥤🧋🍺🍷🥃🍹🧉🍾🍶🥛
飲品 : 話明係韓式Cafe，咁飲品方面一定係勁多選擇，仲有米酒/燒酒/啤酒等等，而且款款都有心思同創意，我地揀左，洛神花冰極熊西柚白桃梳打同蝶豆花冰極熊柑桔梳打，兩款都有隻冰熊浮係面，除左可愛之餘仲係一流打卡位，慢慢睇住佢溶化仲好治癒，味道方面都唔錯，唔會太甜，仲好有夏日消暑feel。
洛神花冰極熊西柚白桃梳打/蝶豆花冰極熊柑桔梳打
$52
3 views
0 likes
0 comments
🍽環境：餐廳坐落近海旁，戶外景觀唔錯，而且仲係Pet Friendly嘅餐廳，室內位置都幾多，而且寬敞，除左大廳有兩個特式嘅鞦韆設計卡位，仲有兩間透明玻璃間隔類似廂房嘅坐位，增加一點點私隱度，環境亦十分明亮乾淨。
🤵🏻🤵🏻♀️🤵🏻♂️服務：職員態度好親切，入坐時極之細心同客人介紹餐牌，另外因為餐廳用QR Code落單，店員亦會提醒系統內會有餐廳外的期間限定食物，可能主要客人都係來自將軍澳區住宅，所以見職員同大部分客人關係都好好，有傾有講。
💰💸價錢：價錢雖然唔可以話好平好抵食，但食物質素真心唔錯，又有心思，而且仲好有特式，餐廳環境又靚，所以佢都值得收呢個價位。
🐲💬總結：我真係好少去到將軍澳，但如果下次仲有機會，都想同朋友再嚟幫襯，因為佢menu內仲有好多好吸引嘅菜式我都好想試。
推薦指數：❤️❤️❤️❤️❣️
Post
