青花 (THE FOREST)

女孩子去食飯，梗係揀間又靚又坐得舒服又就腳既餐廳去傾返一晚偈。所以今晚選擇去呢間新開無耐既青花。佢係ATUM既一份子，所以我諗食物質素賣相同環境都有返咁上下水準。尖沙咀嗰間食西餐，而呢間就係食新派東南亞餐。一去到坐低已經覺得係港女既聖地，座位闊落舒適，裝修主要係以雲石同水彩牆，真係港女們最愛。金色嘅餐具配搭泰式鐵盤別有一番風味。係時候講啲野食啦。食得泰國菜點少得拼盤，拼盤不外乎都係果啲嘢食，雞翼雞槌香脆、雞卷夠晒香葉味、豬頸肉好香炭燒味，魚餅都有陣陣香茅同青檸味。主食有天多尼烤雞配斑蘭青咖喱，唔食得辣既要小心，雖然佢唔係好辣但好惹味。青咖喱椰汁味好香，但係略嫌佢無配返一碗飯哈哈。路邊花肉炒麵小有係泰國餐廳見到所以叫咗試下，都好食嘅不過有啲普通，下次都係叫返泰式金邊粉算啦～餐廳份量足夠，環景靚又舒適。雖然以東南亞菜來講偏貴，但以AUTM 呢個brand黎講就算係咁架啦，一間坐得舒適同賞心悅目嘅餐廳，值得比呢個價錢。