Video
Read full review
2010-11-26
16 views
自從上次同朋友黎過一次後都幾喜歡這個地方，所以之後都有黎兩三次，但次次都唔記得影相~ 今次終於記得啦，不過今次食既覺得反而無我上次食既咁好食喎~是日 4 點幾 5 點黎到cwb想搵個地方坐下又黎左呢度啦，黎到都係有幾檯客人，其實我次次黎都覺得客人既數目好似差唔多咁~ 是日唔飲咖啡啦，但又好凍想飲D熱野，最後要左杯榛子鮮奶。就食飯唔想食太飽，最後就要左個芝士蘑菇火腿奄列啦，俾完錢搵個位坐低店員就會拎d食物過黎啦。今次揀左窗邊位，係兩張搖搖櫈黎的，一坐落去覺得好舒服呀，下次都要坐返呢個位先得。等左一陣榛子牛奶首先黎到，可能我真係太怕凍，一飲落去好暖覺得好舒服呀~ 榛子味唔會太濃搶左鮮奶既味道，係淡淡咁滲出黎，味道唔會太甜。一路飲會飲到d粒粒既榛子，味道會再濃DD，冬天飲真係好舒服~等多陣奄列都黎啦，不過呢個奄列就比較一般，唔算特別好食~ 奄列煎得好熟下，所以無咩蛋汁，而且應該無咩調味料，所以只係食到淡淡既蛋味。內裡餡料都唔算少，不過分佈得唔太平均呢~ 而且都唔太食到芝士既味道~ 側邊有塊多士的，幾脆幾香口，都唔錯的。雖然奄列麻麻，不過我上次黎食過覺得佢呢度個熱狗幾好食架~ 所以心目中都係覺
自從上次同朋友黎過一次後都幾喜歡這個地方，所以之後都有黎兩三次，但次次都唔記得影相~ 今次終於記得啦，不過今次食既覺得反而無我上次食既咁好食喎~
是日 4 點幾 5 點黎到cwb想搵個地方坐下又黎左呢度啦，黎到都係有幾檯客人，其實我次次黎都覺得客人既數目好似差唔多咁~ 是日唔飲咖啡啦，但又好凍想飲D熱野，最後要左杯榛子鮮奶。就食飯唔想食太飽，最後就要左個芝士蘑菇火腿奄列啦，俾完錢搵個位坐低店員就會拎d食物過黎啦。
今次揀左窗邊位，係兩張搖搖櫈黎的，一坐落去覺得好舒服呀，下次都要坐返呢個位先得。等左一陣榛子牛奶首先黎到，可能我真係太怕凍，一飲落去好暖覺得好舒服呀~ 榛子味唔會太濃搶左鮮奶既味道，係淡淡咁滲出黎，味道唔會太甜。一路飲會飲到d粒粒既榛子，味道會再濃DD，冬天飲真係好舒服~
等多陣奄列都黎啦，不過呢個奄列就比較一般，唔算特別好食~ 奄列煎得好熟下，所以無咩蛋汁，而且應該無咩調味料，所以只係食到淡淡既蛋味。內裡餡料都唔算少，不過分佈得唔太平均呢~ 而且都唔太食到芝士既味道~ 側邊有塊多士的，幾脆幾香口，都唔錯的。
雖然奄列麻麻，不過我上次黎食過覺得佢呢度個熱狗幾好食架~ 所以心目中都係覺得呢間cafe唔錯呢，環境又好舒服，所以會再來的~ 佢門口個招牌寫住話we will serve you a coffee flavoured with god's blessing，其實計我話能夠係度悠閒地飲杯咖啡都已經係god's blessing啦。係咪？=)))
Post
